தமிழ்மணம்

Friday, October 2, 2015

பூமித்தாயின் நலமே, நம் நலமெனக் காக்க வாரீர்...!


சுற்றுச்சூழல் பாதிப்பு தரும் ஆபத்து:

                    நாம் வாழ்ந்து கொண்டிருக்கும் இந்த பூமியில், நாமும் எதிர்கால தலைமுறையும் நலமுடன் வாழ வேண்டுமெனில் சுற்றுச்சூழலை  பாதுகாக்க வேண்டியது மிக மிக அவசியம். பூமி மாசடைவு இன்று உலக நாடுகளையே அச்சுறுத்தும் ஒரு பெரிய சவாலாக உருவெடுத்துள்ளது. எனவே உலகநாடுகள் ஒன்று சேரந்து ஆண்டுதோறும் ஜீன் 5ம் நாள் உலக சுற்றுச்சூழல் தினத்தில் விழிப்புணர்வை ஏற்படுத்திவருகிறது. பூமியின் வெப்பம் உயரந்து, மழைப்பொழிவு குறைந்து நிலத்தடி நீரும் குறைந்து,
விவசாயமும் குறைந்துவிட்டது. நம் தேவைக்கு காடுகளை இயற்கை வளங்களையும் அழித்துவிட்டோம். இப்படி இயற்கையை அழித்து நாமும் அழிந்து போவதில் யாருக்கென்ன லாபம். சூரியனின் புற ஊதாக்கதிர்களின் தாக்குதலிலிருந்து நம்மைப்பாதுகாக்கும் கவசமான ஓசோன் படலத்தின் அடர்த்தியும் குறைந்து விட்டது. இதனால் பல ஆபத்தான நோய்களின் எண்ணிக்கைகயும் அதிகரித்துக்கொண்டே செல்கிறது. அன்டார்டிகாவில் பனிக்கட்டிகள் உருகி, கடல்நீர்மட்டம் உயர்ந்து பேராபத்தை விளைவிக்கின்றன.  இந்த நிலை இப்படியே தொடர்ந்தால் பூமியில் உயிரினங்கள் வாழ முடியாத நிலை உருவாகிவிடும். எனவே தான் நம்மால் முடிந்த அளவு சுற்றச்சுழல் பாதிப்பை தவிர்க்க வேண்டும். எப்படி சுற்றுச்சூழல் மாசுபடுகிறது? எப்படி அப்பாதிப்பைக்குறைத்து பூமியைப்பாதுகாப்பது? என்றும் பார்ப்போம்.

காற்று மாசடைதல் :
                 பல்வேறு வகையான வேதியம் சார்ந்த பொருட்களாலும், நச்சுப்புகைகளாலும், தூசியும் வளிமண்டலத்துக்கு வெளியேற்றப்படுவதன் மூலம் காற்று மாசடைகின்றது. இப்போதுள்ள போக்குவரத்து ஊர்திகளாலும், தொழிற்சாலைகளாலும் வெளிவிடப்படும் கார்பன் மோனாக்சைடு, கந்தக ஈராக்சைடு, குளோரோ புளோரோ கார்பன்கள், நைட்ரசன் ஆக்சைடுகள் போன்றவைகளும் காற்றை மாசுபாடுத்துகின்றன.

நீர் மாசடைதல் :
                  தொழிற்சாலைகள், வேளாண் நிலங்கள், வேளாண் பண்ணைகள், நகர்ப்புறக் கழிவுகள் முதலியவற்றிலிருந்து வெளியேறும் கழிவுப் பொருட்கள் ஆறுகளிலும், வடிகால்களிலும், வேறு நீர்நிலைகளிலும் கலந்துவிடுவதால் நீரின் தரமும், நீர்வாழ் உயிரினங்களும் பாதிக்கப்படுகின்றன. இதனால் புவியின் நீர்வளங்கள் பாதிக்கப்படுகின்றன. மேலும் வளிமண்டலத்தில் கலக்கும் மாசுகள் மழைநீருடன் கலந்து நிலத்தை அடைகின்றன. இவை நீருடன் நிலத்துக்கு அடியில் சென்று நிலத்தடி நீரையும், ஆறுகள், குளங்கள் முதலியவற்றையும் மாசுபடுத்துகின்றன. எனினும் இவை முன் குறிப்பிட்டவற்றை விட குறைந்தளவிலேயே பாதிப்பைத் தருகின்றன.

மண் மாசடைதல் :
                 இதற்கும், தொழிற்சாலைக் கழிவுகள் முக்கிய காரணிகளாக இருப்பினும், தற்கால வேளாண்மை முறைகளும் மண்மாசடைதலுக்குப் பெருமளவு பங்களிப்புச் செய்கின்றன எனலாம். வேதியியல் உரங்கள், பூச்சிக்கொல்லிகள், களைக்கொல்லிகள் முதலியவற்றின் பெருமளவிலான பயன்பாட்டினால் மண் பெரிதும் பாதிக்கப்பட்டுள்ளது.

கதிரியக்க மாசு :
                 அணு மின்சார உற்பத்தி, அணு ஆயுத ஆராய்ச்சிகள், அணு ஆயுத உற்பத்தி போன்ற இருபதாம் நூற்றாண்டு நிகழ்வுகளால் கதிரியக்கக் கழிவுகள் உருவாகி சூழல் மாசடைகிறது.

ஒலியினால் மாசு :
                சாலைகளில் ஏற்படும் வண்டி ஒலி, வண்டி ஒலிப்பான்களால் ஏற்படும் மிகுதியான ஒலி, வானூர்தியின் ஓசை முதலியவற்றால் ஏற்படுகிறது.

ஒளியினால் மாசு :
                     ஒளி அத்துமீறுகை, அதிகப்படியான ஒளியூட்டம்,வானியல்சார் குறுக்கீட்டு விளைவு போன்றவை இவ்வகை மாசில் அடங்கும்.



சுற்றுச்சூழல் விழிப்புணர்வு :
          1.முதலில் தண்ணீரை சிக்கனமாக பயன்படுத்த வேண்டும்.
          2.வீடுகளில் மழைநீர் சேகரிப்பு முறைகளை அமல்படுத்த வேண்டும்.
          3.வீடுகள், அலுவலகங்களில் குறைந்தது 2 மரங்களையாவது வளர்க்க வேண்டும்.
          4.பயணங்களுக்கு சொந்த வாகனங்களை தவிர்த்து, பேருந்தை பயன்படுத்த முயலவேண்டும்.
          5.கடைகளுக்கு செல்லும் போதே துணிப்பை எடுத்துச் சென்றால், பிளாஸ்டிக் பைகளை தவிர்க்கலாம்.
          6.குண்டு பல்புகளுக்கு பதிலாக "சி.எப்.எல்.,' "எல்.இ.டி.,' பல்புகளை பயன்படுத்தவேண்டும்.
          7.வீட்டிலிருந்து புறப்படும் முன், மின்சாதன பொருட்கள் "சுவிட்ச்-ஆப்' செய்யப்பட்டுள்ளதா என பார்க்க வேண்டும்.
          8.மரம் மற்றும் கிரானைட் கற்களால் செய்யப்படும் பொருட்களை குறைத்துக் கொள்ளவேண்டும்.
          9. சூரிய சக்தியில் இயங்கும், சோலார் உபகரணங்களையும், "வாட்டர்-ஹீட்டர்'களையும் பயன்படுத்தவேண்டும்.
          10.கடிதம் எழுதுவதை விட, இ-மெயில் மூலமான தொடர்புகளை அதிகரித்துக்கொள்ள வேண்டும்.
          11.ஸ்பிரே பெயின்ட்களுக்கு பதில், பிரஷ்களையோ, ரோலர்களையோ பயன்படுத்தலாம்.

இது போல ஒவ்வொருவரும், அன்றாட வாழ்க்கை முறையில் மாறுதல்களை செய்வதன் மூலம், சுற்றுச்சூழல் பாதுகாப்பதன் மூலம் நம் பூமியைப்பாதுகாத்து நாமும் நலமுடன் வாழ்ந்து, நம் சந்ததிகளும் நலமுடன் வாழலாம்.

உறுதிமொழி:
இக்கட்டுரையானது,
      "வலைப்பதிவர் திருவிழா - 2015" மற்றும் தமிழ் இணையக் கல்விக்கழகம் இணைந்து நடத்தும் மின் தமிழ் இலக்கியப் போட்டிகளுக்காகவே எழுதப்பட்டது.
சுற்றச்சுழல் விழிப்புணர்வு (வகை-2)
எனும் தலைப்பிற்காக எழுதப்பட்டது.
மேலும் இது என் சொந்தப் படைப்பு என்றும் இதற்கு முன் வேறெங்கும் வெளியிடப்படவில்லை என்றும் இப்போட்டிக்கான முடிவுகள் வெளிவரும்வரை வேறெங்கும் வெளியிடமாட்டேன்  என்றும் உறுதி கூறுகின்றேன். நன்றி...!

புண்பட்ட கலாச்சாரத்திற்கு பண்பாடென்னும் மருந்து தேவை...!



மதச்சார்பற்ற நாட்டில் மதக்கலவரங்கள் மடியவே தேவை  நம் பண்பாடு...!

கலாச்சார சீர்கேட்டை தடுத்து நல்ல சமூகம் மலரவே தேவை நம் பண்பாடு....!

உயிர்களிடத்தில் அன்பெனும் மரம் உயர்ந்து வளரவே, உரமாய் தேவை நம் பண்பாடு...!

மனிதனிடத்தில் உள்ள மிருகம் தொலைத்து நல்ல மனிதம் சிறக்கவே தேவை நம் பண்பாடு...!

மனிதகுலத்தில் தீவிரவாதத் தீயை அணைத்து அழிக்கவே, அதற்கு தேவை நம் பண்பாடு...!

தமிழ்மொழி அடையாளம் அழிக்க வரும் பிறமொழிகளைத் துரத்தவே, தேவை நம் பண்பாடு...!

முன்னேறிய உலகில் தாய் தந்தையரை முதியோர் இல்லம் சேர்க்கும் மூடர்களுக்கே தேவை நம் பண்பாடு...!

கூடிவாழும் கூட்டுக்குடும்பம் துறந்து
தனித்து வா(ட)ழ தனிக்குடும்பம் செல்லும் தம்பதிகளுக்குத்தேவை நம் பண்பாடு...!

நிமிடத்திற்கு நிலைமாறும் உலகில் நொடிக்கு நொடி போதையில் தடுமாறும் பல இளைஞர்களுக்குத் தேவை நம் பண்பாடு...

பெண்சுதந்திரம் என்று அரைகுறை ஆடை அணிந்துசென்று உடலைக் காட்சிப்பொருளாக்கும் சில பெண்களுக்குத்தேவை நம் பண்பாடு...!

தமிழனின் வீரமும் ஈரமும் விருந்தோம்பலும், இப்பெருமைகள் இவ்வுலகறியத் தேவை நம் பண்பாடு...!

தமிழ் கலாச்சாரம் உணர்ந்து, உலகுக்கு உரைத்து தமிழனே... நீ பாரதப் 'பண்'பாடு..!

உறுதிமொழி:
இக்கட்டுரையானது,
      "வலைப்பதிவர் திருவிழா - 2015" மற்றும் தமிழ் இணையக் கல்விக்கழகம் இணைந்து நடத்தும் மின் தமிழ் இலக்கியப் போட்டிகளுக்காகவே எழுதப்பட்டது.
வகை(4) - புதுக்கவிதைப்போட்டி
எனும் தலைப்பிற்காக எழுதப்பட்டது. 
மேலும் இது என் சொந்தப் படைப்பு என்றும் இதற்கு முன் வேறெங்கும் வெளியிடப்படவில்லை என்றும் இப்போட்டிக்கான முடிவுகள் வெளிவரும்வரை வேறெங்கும் வெளியிடமாட்டேன்  என்றும் உறுதி கூறுகின்றேன். நன்றி...!

Tuesday, September 29, 2015

பெண்ணே... நீ வெல்ல வேண்டும் இம்மண்ணை...!



அன்றைய சமூகம் பெண்களை நடத்திய விதம் :
             ரம்பகாலத்தில் நம் சமூகம் பெண்களை எப்படி நடத்தியது என்பதை நாம் சற்று பின்னோக்கி பார்க்க வேண்டும். உழைத்து முடித்து, களைப்புடன் வரும் ஆணிற்கு பணிவிடை செய்யவும், குழந்தைகளைப் பெற்றெடுக்கும் கருவியாகவும் மட்டுமே பெண்கள் பாவிக்கப்பட்டனர்.

"வினையே ஆடவர்க்கு உயிரே வாணுதல் மனையுறை மகளிர் ஆடவர் உயிர்"      
                  - குறுந்தொகை

என்று எண்ணப்போக்கை சங்ககால இலக்கியங்கள் உணர்த்துவதை நாம் அறியலாம். உன் வாழ்க்கை முழுவதையும் சமையலறையுடன் முடித்துக்கொள் என உத்தரவிட்டது அப்போதைய சமூகம்.

பெண் சுதந்திரத்திற்கு எதிராக பல கட்டுப்பாடுகளும் விதித்திருந்தன. உடன்கட்டை ஏறுதல், கணவனை இழந்த கைம்பெண்கள் வீதியில் நடமாடக்கூடாது, வண்ண உடைகள் அணியக்கூடாது மாறாக வெள்ளை உடை மட்டுமே அணியவேண்டும் மற்றும் எந்த சுபநிகழ்ச்சிகளிலும் பங்கேற்கக்கூடாது என்ற கட்டுப்பாட்டு விதிகளும் அப்போதைய சமூகத்தில் இருந்தன.

பெண் சிசுக்கொலை கூட ஒரு வழக்கமாக இருந்ததை நாம் அறிவோம். பெண் பிள்ளை பிறந்தால் அவர்களுக்கு வரதட்சணை கொடுத்து ஏழைகளால் திருமணம் செய்து வைக்க இயலாததை காரணமாகக்கொண்டு அன்றைய காலத்தில் பெண் சிசுக்கொலைகள் நடந்தது. இப்போதும் கூட பெண் பிள்ளைகள் பிறந்தால் குப்பைத்தொட்டியில் வீசிவிடும் துயரமும் நடந்து கொண்டுதான் இருக்கிறது. பெண்கள் விடலைப்பருவம் எய்தியவுடன் அவர்களின் கல்விக்கு முற்றுப்புள்ளி வைக்க முந்தியது அப்போதைய சமூகம். அன்றைய கால பெண்களுக்கு கல்வி அறிவு கூட எட்டாக்கனியாகத்தான் இருந்திருக்கிறது.

இன்றைய சமூகம் பெண்களை நடத்தும் விதம் :
              சமூகம் என்பது ஆண்களும்
பெண்களும் சேரந்த குழுமம் தான்.
இதை ஆண்சமூகம், பெண்சமூகம் என்று பிரித்து பார்த்தாலே பெண்சமூகத்தின் மீதான ஆண்சமூகத்தின் அடக்குமுறை பற்றி புரியும். சமகால சமூகத்தில் பெண்களை சமூகம் நடத்தும் விதம் என்பது, ஆண்கள் பெண்களை வெறும் போதைப்பொருளாக மட்டும் பார்ப்பதென்பது இன்றளவும் குறையவில்லை. அதன் விளைவுதான் பாலியல் வன்கொடுமை. சிறுமிகள் கூட பாலியல் வன்கொடுமைக்கு உள்ளாக்கப்படுவதுதான் நம் அவமானத்தின் உச்சம்.

சிறுவயதில் இருந்தே ஆணுக்கு பெண்ணை அடக்கி வைக்க  கற்றுக்கொடுத்துவிடுகிறார்கள் தந்தைகள், தாயை அடித்து அடக்கி வைப்பதன் மூலம். ஆண்கள் பெண்களைப்பற்றி வெறும் வார்த்தைகளில் மட்டுமே வர்ணிக்கிறார்களே தவிர வாழ்க்கையில் இல்லை. அவர்களின் சின்ன சின்ன உணர்வுகளுக்குக்கூட மதிப்பளிப்பதில்லை. பெண்கள் தங்கள் பெற்றோர்கள் வீட்டுக்குச்சென்று வருவதில் கூட ஆணின் அனுமதி பெற்றாகவேண்டும்.
தொடக்கப்பள்ளிகளில் பெண்களைக் கேலி, கிண்டல் செய்வதிலேயே தொடங்கிவிடுகிறது ஆண்பிள்ளைகளின் அதிகாரம். பெண்களால் ஆண்களின் அதிகார அடக்குமுறைக்கு அடங்கிப்போகத்தான் முடிகிறதே தவிர வெகுண்டெழ முடிவதில்லை. அப்படி முடிந்தாலும் முடிவு காயங்களுடன் தான் மிஞ்சுகிறது.

பெண்களுக்கு ஆண்கள் உதவி செய்யவில்லை என்றாலும் பரவாயில்லை அவர்களின் முன்னேற்றத்திற்கு இடையூறுகள் செய்யாமல் இருந்தாலே போதும்.

ஆண்கள் மட்டும்தான் பெண் முன்னேற்றம் தடைபட காரணம் என்று நான் கூறவில்லை ஆணும் ஒரு காரணமே என்று குறிப்பிட்டு கூறுகிறேன். அதே சமயம் பெண்களுக்கு உடை கட்டுப்பாடு அவசியமா என்றால், நம் தமிழ்க்கலாச்சாரத்தை சீர்குலைக்கும் மேற்கத்திய கலாச்சார உடைகள் நம் பெண்களுக்கு அவசியமற்றதுதான் என்பதை பெண்கள் புரிந்துகொள்ளவேண்டும். பெண் சுதந்திரம் என்பது உடைகளில் மட்டும் இல்லை என்பதை  உணர்ந்துகொள்ளவேண்டும்.

பெண்களே பெண்களுக்கு எதிரியாகிவிடுகிறார்கள் மாமியார் என்ற போர்வையில் வரதட்சணை வாங்கும்பொழுது.
என்ன தான் அரசாங்கம் முழுமுனைப்புடன் பெண்களுக்கு சாதகமாக பல சட்டதிட்டங்களைக்கொண்டு வந்தாலும் வரதட்சணை கொடுப்பதும் வாங்குவதும் ஓயந்துவிட்டதா? ஆண்கள் பெண்களை மானபங்கபடுத்தும் கொடுமைகள் மாய்ந்துவிட்டதா? இன்னும் ஆங்காங்கே அரங்கேறிக்கொண்டுதானே இருக்கிறது.

"மங்கையராய் பிறப்பதற்கே நல்ல மாதவம் செய்திடல் வேண்டும் அம்மா"

என்று பாடிய கவிமணி தேசிய விநாயகம்பிள்ளையின் வரிகளை,
இன்று,
     மங்கையராய் பிறந்தபின்னும் 
தன் சுய முன்னேற்றத்திற்காக
மாதவம் செய்திடல் வேண்டும் அம்மா 
என்று மாற்றி எழுத வேண்டிய நிலைதான் இன்றளவும் உள்ளது.

பெண்கள் முன்னேற்றத்தைப்பாதிக்கும் காரணிகள் :
                   இன்று படிப்பும் நாகரிகமும் வளர வளர, பெண்களின் உரிமை குறைந்து கொண்டேதான் செல்கிறது. இதற்கு ஆண்களின் தீய நடத்தை மட்டுமே காரணமல்ல. பெண்களின் தவறான வாழ்க்கை இலட்சியமும் ஒரு காரணமே.

சில படித்த பெண்களும், பட்டதாரிப் பெண்களும், பணம் படைத்தவர் வீட்டுப் பெண்களும் மனித சமுதாயத்துக்காகப் பணியாற்றுவதென்பது கிடையாது. மோட்டார் கார், நகை ஆபரணங்கள் உயர்தர உடைகள், உல்லாசப் பொழுதுபோக்குகள், சினிமா, நாடகம் தங்கள் நேரத்தை அதிகமாக செலவிடுகிறார்களே தவிர இவர்களுக்கு வாழ்க்கையில் இலட்சியம் என்பதே பெரும்பாலும் இருப்பதில்லை.

பல பெண்களுக்கு தொலைக்காட்சியில் ஒளிபரப்பாகும் நாடகத்தொடர்களை தொடர்ச்சியாக பார்த்துவிடுவதே அன்றாட வேலையாகக்கொண்டுள்ளனர் மற்றும் ஆண்களுக்கு நிகராக வருவதற்குப் போராட வேண்டிய பெண்கள் சிலர் போதைப்பழக்கத்திற்கு அடிமையாகிக்கொண்டிருக்கிறார்கள் என்பது மிக வேதனை.

சினிமாக்களிலும் தொடங்கி கிரிக்கெட் விளையாட்டு நடக்கும்பொழுதுகூட பெண்களை கவர்ச்சிப்பொருளாக மட்டுமே சித்தரிக்கின்றனர். அதன் போக்குதான் நம் சமூகத்தின் சீரழிவு. வேலைக்குச்செல்லும் இடத்தில் கூட ஆண்சமூகத்தின் ஆபாசப்பார்வையிலிருந்து அப்பாவிப்பெண்கள் தப்பமுடிவதில்லை. இதனால் பெண்கள் மிகப்பெரிய மன உளைச்சலுக்கு ஆளாகிறார்கள். இது பெண்களின் முன்னேற்றத்தை பாதிக்கும் காரணிகளாக நாம் புரிந்து செயல்பட வேண்டும்.

இன்றைய பெண்கள் முன்னேற்றம் :

           பெண் முன்னேற்றம் என்பது ஆண்களைப்போலவே பெண்களும் அனைத்திலும் சமஉரிமையுடன் வாழ்வதே. அதற்கு முதலில் நம் வீட்டுப்பெண்களின் உணர்வுகளை நாம் புரிந்துகொண்டு நடந்தாலே அவர்கள் வாழ்வில் ஒளிவீசிவிட ஆரம்பித்துவிடும். நாம் அவர்களுக்கு முழுசுதந்திரம் கொடுத்து அவர்களின் திறமைகளுக்கு மதிப்புக்கொடுக்கவேண்டும். அது ஒவ்வொரு ஆண்மகனின் கடமை ஏன் இந்த ஒட்டுமொத்த சமூகத்தின் கடமையும் கூட அதுதான்.

பழைய காலங்களிலிருந்து இன்றைய சூழல் வரை பெண்களின் வாழ்க்கைத்தரம் எவ்வளவோ முன்னேற்றம் அடைந்திருக்கிறது என்பது மறுப்பதற்கில்லை. ஒரு கட்டத்திற்கு மேல் கல்வி மறுக்கப்பட்ட பெண்கள், இன்று கல்வியில் ஆண்களைவிட அதிக விழுக்காடு பெற்றுக்கொண்டிருக்கிறார்கள். பைலட்(விமான ஓட்டி) ஆனது முதல் புல்லட் ட்ரெயினை இயக்குவது வரை ஆண்களுக்கு நிகராக பெண்கள் சாதனை படைத்துக்கொண்டிருக்கின்றார்கள்.

ஆனாலும் அவர்கள் மண்ணுள் புதையுண்ட விதைபோலவே, அடிமைத்தனம் என்னும் மண்தரையை முட்டி முட்டி தான் முளைத்து(உழைத்து) முன்னேறவேண்டியுள்ளது. ஒரு ஆணின் முன்னேற்றத்திற்கு பின்னால் ஒரு பெண் நிச்சயம் இருப்பாள் என்று சொல்வார்கள்.
ஒவ்வொரு பெண்களின் முன்னேற்றத்திற்கும் பின்னால் நிச்சயம் வலிகளும் சோதனைகளும் அவர்கள் சிக்கித்தவித்த அவமானங்களும் அடங்கியிருக்கும். இப்படிதான் காயத்தின் வடுகளுடன் காலச்சுவடுகளில் இடம்பெற, பெண்கள் ஆண்களைவிட முன்னேறிக்கொண்டிருக்கிறார்கள்.

சமூகத்தின் பார்வையில் பெண்கள் மிக மோசமாக மட்டம் தட்டப்படுகிறார்கள் என்றாலும்கூட அதையும் தாண்டி வாழ்க்கையில் வெற்றி என்னும் பட்டம் பெற்றுவிடுகிறார்கள். அரசாங்கம் எங்களுக்கு அதைச்செய்ய வேண்டும் இதைச்செய்ய வேண்டும் என்று பெண்கள் எதிர்பார்த்துக் காத்துக்கொண்டிருப்பதைவிட, இப்பொழுது அரசாங்கமே ஒரு பெண்ணின் ஆட்சி தானே என்பதை உணர்ந்து பெண்கள் சுயமாகவே முன்னேறவேண்டும். அதற்கு, "பெண்ணே.. நீ நம்பவேண்டும் உன்னை...! நம்பினால் வென்றுவிடலாம் இம்மண்ணை..!

உறுதிமொழி:

இக்கட்டுரையானது,
      "வலைப்பதிவர் திருவிழா - 2015" மற்றும் தமிழ் இணையக் கல்விக்கழகம் இணைந்து நடத்தும் மின் தமிழ் இலக்கியப் போட்டிகளுக்காகவே எழுதப்பட்டது.
பெண்களை சமூகம் நடத்தும் விதம் மற்றும் பெண் முன்னேற்றம் குறித்த யோசனைகள் (வகை-3)
எனும் தலைப்பிற்காக எழுதப்பட்டது. 
மேலும் இது என் சொந்தப் படைப்பு என்றும் இதற்கு முன் வேறெங்கும் வெளியிடப்படவில்லை என்றும் இப்போட்டிக்கான முடிவுகள் வெளிவரும்வரை வேறெங்கும் வெளியிடமாட்டேன்  என்றும் உறுதி கூறுகின்றேன். நன்றி...!

Thursday, September 10, 2015

10 வது மதுரை புத்தகக்கண்காட்சியில் நான்...

புத்தகங்கள் என்றாலே வெறும் வாசிக்க மட்டும் அல்ல. நாம் இந்த உலகத்தை நேசிக்கவும், பல நல்ல விஷயங்களை சுவாசிக்கவும் நமக்கு கற்றுத்தரும் ஒரு மிகச்சிறந்த ஆசான். இன்றைய சூழலில் புத்தகம் வாசிக்கும் பழக்கம் நம் இளைஞர்களிடையே மிக மிக மிகக்குறைந்துவிட்டது. பல புத்தகக்கண்காட்சியில் கூட்டம் கூட்டமாக இளைஞர்களைக்காண முடியும். ஆனால் அவர்களின் புத்தகத்தேர்வு, பள்ளி கல்லூரிகளில் உள்ள பாடங்களைச்சார்ந்தே அமைகிறது. அதுவல்ல நல்ல புத்தக வாசிப்பு. இலக்கியங்கள், நாவல்கள், கதைகள், கவிதைகள், வரலாறு, அறிவியல், சமகால பிரச்சினைகள் என அனைத்தையும் தன்னகத்தே தாங்கி நிற்கும் புத்தகங்களை புரட்ட வேண்டும். அதுவே நம் அறிவை வளர்த்துக்கொள்ள உதவும். இவ்வுலகை நமக்குப்புரியச்செய்யும். புத்தகம் என்பது வெறும் அச்சிட்ட காகிதங்கள் அல்ல, இவ்வுலகில் ஆதிமுதல் இப்பொழுதுவரை மனிதன் சந்தித்தவைகள், கடந்துவந்த பாதைகள், அனுபவங்கள், ஏமாற்றங்கள், இன்பங்கள் துன்பங்கள், எதை செய்யலாம் எதை செய்யக்கூடாது என பலவற்றை நமக்குச் சொல்கிற ஓர் உன்னத படைப்பு. உங்களைப் புத்தகத்தின் மூலம் சந்திக்கும் அந்த மனிதர்கள் பழங்கால மனிதர்களாகவும் இருக்கலாம் அல்லது சமகால மனிதர்களாகவும் இருக்கலாம். அது நீங்கள் படிக்கும் புத்தகங்களைப்பொருத்தது.


தற்போது மதுரையில் நடைபெற்ற 10 வது
புத்தகக்கண்காட்சியில் கலந்து கொண்டு சில புத்தகங்கள் வாங்கி வந்தேன். அதன் பட்டியல் கீழே கொடுத்துள்ளேன். அந்த புத்தகங்களை முழுதும் படித்துவிட்டு அவற்றைப்பற்றிய விமர்சனங்களையும் எழுத உள்ளேன். நன்றி...


இதோ நான் வாங்கிய புத்தகங்கள் :

1.சிற்பியே உன்னை செதுக்குகிறேன் (வைரமுத்து)
2.ஜீரோ டிகிரி (சாரு நிவேதிதா)
3.நான் ஏன் என் தந்தையைப்போல் இல்லை (இரா.நடராஜன்)
4.ஆயிஷா (இரா.நடராஜன்)
5.காதல் ஆத்திச்சூடி(தபூ சங்கர்)
6.மலாலா - கரும்பலகை யுத்தம் (இரா.நடராஜன்)
7.ஹைக்கூ ஓர் அறிமுகம்(சுஜாதா)
8.பிரபாகரன் (செல்லமுத்து குப்புச்சாமி)
9.இதுவரை நான் (வைரமுத்து)
10.ப்ளீஸ் இந்த புத்தகத்தை வாங்காதீங்க (நீயா நானா-கோபிநாத்)
11. என் ஜன்னலின் வழியே (வைரமுத்து)

விமர்சனங்கள் விரைவில்....!

Friday, August 7, 2015

தன்னம்பிக்கை


ன்னம்பிக்கையை தண்ணீரூற்றி வளர்த்துவிடு...!
வாழ்க்கையில் செடிகள் போல செழித்துவிடு...!
தோல்விகளை
தலைதெறிக்க துரத்திவிடு...!
வெற்றிகளை தலைதூக்கி துவக்கிவிடு...!
எறும்பாக எட்டுத்திக்கும் உழைத்துவிடு...!
கரும்பாக தித்திக்கும்
சுவைத்துவிடு...!
நீ சூரியனாய் எதிரிகளை எரித்துவிடு...!
நிலவில் உன் பெயரை பொறித்துவிடு...!
பொறாமையை குழிதோண்டி புதைத்துவிடு...!
இயலாமையை காலால் எட்டி உதைத்துவிடு...!
இருளில் மின்னலாய் ஒளித்துவிடு..!
பகலில் பனியாய் பனித்துவிடு...!
வண்ணங்களை வானவில்லாய் வளைத்துவிடு...!
எண்ணங்களை பசும்வயலில் விளைத்துவிடு...!
புயல்போல் வீசி புறப்படு...!
வானமே இவனுக்கு வசப்படு...!

குழந்தைத்தொழிலாளர்கள்



குழந்தைகள் கல்வி தான் நாட்டை உயர்த்தும் என பல குரல்கள் ஓங்கினாலும் குழந்தைத்தொழிலாளர்கள் கூலி வேலை செய்யும் அவலம் இன்னும் ஓயவில்லை... நான் ஒருநாள் பேருந்தில் பயணம் செய்து கொண்டிருக்கும் போது ஒரு மாணவனை என் பக்கத்து இருக்கையில் காணமுடிந்தது. ஏற்கனவே பள்ளிக்கு அதே பேருந்தில் சென்று வரும்போது எனக்கு பழக்கமானவன். இப்போது 13 வயதிலேயே அவன் முன்னாள் மாணவன். ஆம் பள்ளிப்படிப்பை இடைநிறுத்திவிட்டு துணிக்கடையில் வேலைசெய்கிறேன் என்றான். இருண்டது அந்த குழந்தையின் எதிர்காலம் மட்டுமல்ல. இந்தியாவின் எதிர்காலமும் தான்...! இப்படி நம் நாட்டில் பல மாணவர்கள் இருக்கிறார்கள். அவர்கள் எந்த கடையில் வேலைசெய்தாலும் தயவுசெய்து உடனே  காவல்நிலையத்தில் புகார் செய்யுங்கள். அவர்கள் கட்டாயம் நடவடிக்கை எடுப்பார்கள். கற்க வேண்டிய வயதில் கற்கள் சுமக்கிறார்கள். இளமையில் "கல்" என்பதை தவறாக புரிந்துகொண்டார்களோ என்னவோ..???

Thursday, August 6, 2015

தேவதை


தேகங்கள் முழுதும் தேன்கூட்டில் செய்திருப்பானோ...!
மேகங்கள் கோர்த்து கார்கூந்தல் நெய்திருப்பானோ...!
நெருப்பில் பற்றிக்கொண்டு நெற்றி சிலைத்திருப்பானோ...!
கருப்பில் வில்ரெண்டு புருவங்கள் வளைத்திருப்பானோ...!
முகடுகள் மூலம் மூச்சு முட்ட மூக்கை சமைத்திருப்பானோ...!
மின்தகடுகள் பொருத்தி உதடுகள் அமைத்திருப்பானோ...!
பூமேடை போட்டு தாடை இருத்திருப்பானோ...!
கழுத்தை துளைத்து சங்கு பொருத்திருப்பானோ...!
மாம்பழத்தை பறித்து இரு முலைகள் பதித்திருப்பானோ...!
இடைவேளையில் இடை செய்ய இந்திரலோகம் சென்றிருப்பானோ...!
சிறுபிழையில் பாதியிலே முற்றுப்புள்ளி வைத்து தொப்புள் என்றிருப்பானோ...!
மன்மதக்கலை பயின்று மதனமேட்டில் பள்ளம் தோண்டிருப்பானோ...!
பின்புறம்சிலை அமைக்க முயன்று விண்வெளி தாண்டிருப்பானோ...!
சந்தனமரங்களை வெட்டி தொடைகளைத் தீட்டிருப்பானோ...!
மந்திரங்களைக்கொட்டி கால்களும் கைகளும் நீட்டிருப்பானோ...!
விடைத்து துடிக்கும் விரல்களை  மூங்கிலில் முடைந்திருப்பானோ...!
படைத்து முடித்த பின் பிரம்மனும்
வியந்திருப்பானோ...!

Wednesday, August 5, 2015

காமம்



போர்வைக்குள் போர்தொடுக்க...
வியர்வைகள் வியர்த்தெடுக்க...
முத்தத்தில் தொடங்கி,
முதுகுத்தண்டில் முடங்கி, 
குறியை குச்சி ஐஸ் போல் வாயிலிட்டு குதப்புகிறாய்...!
குறிக்கோள் தான் என்னவோ..பதில் கேட்டால் பிதப்புகிறாய்...!
குறி உருகும் முன் உனக்குள்ளே விட்டுவிடு...!
நீயும் உச்சத்தை தொட்டுவிடு...!
உன் முன்னிரு கனிகள் தந்து கிரங்கவைக்கின்றாய் மோகத்தில்...!
என் பின்னிரு தனங்கள் இழுத்து இயங்கச்செய்கின்றாய் வேகத்தில்...!
உள்ளே வெளியே ஆட்டத்தின் முடிவில், திரவ வடிவில் காமம் உருகியது உனக்குள்...!
மெல்ல மெல்ல உல்லாச உழைப்பில், சுகத்தின் களைப்பில்,  கண்கள் சொக்கியது எனக்குள்...!

Monday, August 3, 2015

இருள் வாழ்கை



ண்ங்ள் தெரிவதில்லை,
வாசனைகள் வந்ததுண்டு,
புரிந்து கொண்டோம்,
பூத்திருக்கும் பூக்களென்று...!

கண்ணங்கள் விரிவதில்லை,
கவலைகள் கரைபுரண்டு,
அறிந்து கொண்டோம்,
வாழ்க்கை சிக்கலென்று...!


நிஜங்கள் நிலைக்கவில்லை,
நிழல்கள் தொடர்வதுண்டு
புஜங்கள் உயர்த்திகொண்டோம்
புழுக்கள்போல் வளைந்துகொண்டு...!

இடங்கள் அறியவில்லை,
தடங்கலில் தடுக்கிக்கொண்டு,
நடக்கையில் ஊன்றுகோல்கொண்டோம்,
இருகால்கள் பயந்துநின்று...!


முகங்கள் புலப்படவில்லை,
குரல்களைக் குறித்துக்கொண்டு,
அகங்களை அறிந்துகொண்டோம்,
குறைகளில் ஒழிந்துகொண்டு...!

கார்மேகம் கண்டதில்லை,
பூர்வீகம் தெரிந்துகொண்டு,
பார்வையில்லையென புரிந்துகொண்டோம்
பிறர் வானவில் ரசிக்கும்போது...!


என்றும் தமிழ்த்தாயின் மடியில் இரா.பிரசாந்த்

Sunday, August 2, 2015

திருநங்கைகளும் தீர்க்கப்பட வேண்டிய பிரச்சினைகளும்

திருநங்கைகளா? யாரிவர்கள்?  எப்படி எங்கிருந்து பிறந்தார்கள்..? மனித இனம் தோன்றிய காலத்திலிருந்து ஆண்,பெண் என இரு உயிர்கள்தானே இருந்துவந்தது. இடையில் எங்கிருந்து வந்தார்கள் இவர்கள்? சிவனே ஆணும் பெண்ணுமாய் கலந்து அர்த்தநாதீஸ்வரராக  அவதாரம் பூண்டார் என சாஸ்திரங்கள் கூறுகிறது.


இவர்கள் பிறப்பிலேயே திருநங்கைகளாக பிறப்பதில்லை. அவர்கள் வளரும்போதுதான் வளர்கிறது இந்த பிரச்சினையும்.. இதற்கு அவர்களின் பருவ நேரத்தில் ஏற்படும் ஹார்மோன்களின் மாற்றமே காரணம். குறிப்பாக ஆண்களுக்கு, பெண்களின் ஹார்மோன்கள் அதிகமாக சுரப்பதும், பெண்களுக்கு, ஆண்களின் ஹார்மோன்கள் அதிகமாக சுரப்பதுமே தான் மூலக்காரணம். பருவகாலங்களில் இந்த மாற்றத்தில் பாவிக்கப்பட்டவர்களின் பாவனைகளை கண்கூடாக கவனிக்கலாம்.


சரி, இனி இவர்களின் பிரச்சினைகளை பார்ப்போம். பள்ளிப்பருவத்திலேயே இவர்கள் கேலிக்கும், கிண்டலுக்கும் உள்ளாக்கப்பட்டு ஒதுக்கப்படுகிறார்கள். பாலியல் துன்புறுத்தலுக்கும் உட்படுத்தப்படுகிறார்கள். இப்படி, உள்ளத்தின் ரீதியாகவும், உடலின் ரீதியாகவும் பல பிரச்சனைகளை எதிர்கொள்ளத்துணிவில்லாமல் கடைசியில் உயிரை விடத்துணிகிறார்கள். பெண்களுக்கே பாதுகாப்பில்லாத இச்சமூகத்தில் ஒரு திருநங்கை வாழ்வது அவ்வளவு சுலபமா? மாற்றத்திறனாளிகளை விட போற்றிப்பாதுகாக்கப்படவேண்டியவர்கள் இவர்கள்தான். ஏனென்றால் உடலால்மட்டும் பாதிக்கப்பட்டவர்கள் மாற்றத்தினாளிகள், ஆனால் திருநங்கைகள் உள்ளத்தாலும் பாத்க்கப்பட்டவர்கள். பள்ளிப்படிப்பை பாதியிலேயே விட்டுவிட்டு, வீட்டில் பெற்றோர்களால் துரத்தப்பட்டு, நிம்மதியிழந்து, நித்திரையிழந்து பாதுகாப்பு தேடி அலையும் அரவாணிகள் ஆயிரம். பண நெருக்கடிக்காக பாலியல் தொழிலில் தள்ளப்படுகிறார்கள். சிலர் பிச்சையெடுக்கும் அவலமும் அரங்கேறுகிறது. அதைக்காணும் நமக்கு சாதரணமாகவும், கேலியாகவும் மட்டும் தெரியுமே தவிர, அச்சுமைகளை சுமக்கும் வலி அவர்களுக்கு மட்டுமே புரியும். எல்லோராலும் புறக்கணிக்கப்பட்ட அரவாணிகளுக்கு அவர்கள் மட்டுமே அரவணைப்பு.


உண்மையான அன்பையும் ஆதரவையும் தேடும் இவர்களுக்கு, அந்த அன்பும் ஆதரவும் கிடைக்கப்பெற்றால் பன்மடங்கு பாசமிக்கவர்களாய் விளங்குவார்கள். இவர்களால் குழந்தைகள் பெற்றக்கொள்ள முடியாதே தவிர, ஒரு தாய்க்கு ஈடான பாச்தைக்கொடுக்கமுடியும். அவர்களுக்கும் காதல்,காமம்,ஆசை,கோபம்,கனவு,லட்சியம் என உணர்வுகள் உண்டு என்பதை நாம் உணரந்துகொள்ளவேண்டும். அவர்களை ஒருபோதும் ஒதுக்கிவிடக்கூடாது. மற்ற நாடுகளைவிட, இந்தியாவில்தான் அவர்களுக்கு இழைக்கப்படும் கொடுமைகள் ஏராளம். நம்மைப்போன்ற அதிசயப்பிறவிகளால் கிண்டலும் கேலியும் தாராளம். இனியாவது திருந்தப்பார்ப்போம் தீர்க்கப்பிறவிகளே...! அவர்களுக்கான தீர்வு இட ஒதுக்கீட்டுடன் ஒதுங்கிவிடுவதல்ல. அவர்கள் குரலும் சமூகத்தில் ஓங்கி ஒலிக்கவேண்டும் என்பதே.


பள்ளிக்கூடத்திலே இவர்கள் ஒதுக்கப்படாதவாறு, சக மாணவர்களுக்கு இதைப்பற்றி அறிவியல் ரீதியாக தெளிவான புரிதலைக் கொண்டுவரவேண்டும். அப்பொழுதுதான் அவர்கள் கேலி கிண்டலுக்குள்ளாவதை, ஒரு நல்ல புரிதலின் அடிப்படையில் ஆரம்பத்திலேயே தடுக்க முடியும். மற்றும் சமூகத்தில் ஒரு நிலையான அங்கீகாரம் கிடைக்கவேண்டுமானால் அவர்கள் அரசியலுக்குள் நுழைந்தால் மட்டுமே இது சாத்தியம். நாம் அவர்களுக்கு வாக்களிக்கத் தயங்கக்கூடாது. பெண்களுக்கு சாதகமான அனைத்து சட்டங்களும் இவர்களுக்கும் பொருந்தக்கூடிய வகையில் சட்டதிருத்தம் கொண்டுவர வேண்டும். அப்பொழுதுதான் அவர்களுக்கெதிரான குற்றங்கள் குறையும். இப்பொழுது அவர்களும் பெரிய பெரிய பதவிகளில் வலம் வரத்தொடங்கிவிட்டார்கள்.


"வெல்லட்டும் திருநங்கைகள் இன்று... ஊர் சொல்லட்டும் வீரமங்கைகள் என்று...!" அவர்களுக்கு என் மனமார்ந்த வாழ்த்துக்கள்..! என்றும் தமிழ்த்தாயின் மடியில், இரா.பிரசாந்த்.

Sunday, July 26, 2015

எனக்கு பிடித்த பாடல்

கே.பாலச்சந்தர் இயக்கி, சூப்பர் ஸ்டார் ரஜினிகாந்த் நடித்த தில்லு முல்லு என்ற படத்தில் "ராகங்கள் பதினாறு உருவான வரலாறு" என்ற பாடல் என்னை மிகக்கவர்ந்த பாடல்களில் ஒன்று..
இப்பாடலுக்கு எம்.எஸ்.வி அவர்கள் இசையமைத்த விதம் மிக மிக மிக நன்று..!


இப்பாடலில் ரஜினி, நடிகை மாதவிக்கு பாடல் பாட கற்றுக்கொடுப்பது போல் காட்சிகள் அமைக்கப்பட்டிருக்கும். இவ்வரிகள்  ஒவ்வொன்றிற்க்கும் ஏற்றாற்போல் நம்ம சூப்பர் ஸ்டார், அவருக்கே உண்டான ஸ்டைலில் பல பாவனைகள் செய்திருப்பார்...
அதிலும் "அழகான இளம்பெண்ணின் மேனிதான் கூட  ஆதார சுதி கொண்ட வீணையம்மா" என்ற வரி வரும்போது மாதவியை பொய்யாக வர்ணிக்கிறார் என்பதை நமக்கு உணர்த்த நம்மைப்பார்த்து(கேமராவை) கண்ணடிப்பார். அடடா அருமையின் உச்சம்..! இப்பாடலுக்கு மேலுமொரு உச்சமாக எஸ்.பி.பி அவர்களின் குரல் அமைந்திருக்கும்... பாடல் வரிகளுக்கு சொந்தக்காரர் கவியரசு கண்ணதாசன் அவர்கள். இசைக்கு இசைந்த, இசையைப்பற்றியே வரிகள் அமைத்திருப்பார்...!


இதோ இந்த பாடலின் வரிகள்...
"ராகங்கள் பதினாறு உருவான வரலாறு
நான் பாடும் போது அறிவாயம்மா
ராகங்கள் பதினாறு உருவான வரலாறு
நான் பாடும் போது அறிவாயம்மா
பல நூறு ராகங்கள் இருந்தால் என்ன
பதினாறு பாட சுகமானது
பல நூறு ராகங்கள் இருந்தால் என்ன
பதினாறு பாட சுகமானது
ராகங்கள் பதினாறு உருவான வரலாறு
நான் பாடும் போது அறிவாயம்மா
கலை மாது தான் மீட்டும் இதமான வீணை
கனிவான ஸ்வரம் பாட பதமானது
கலை மாது தான் மீட்டும் இதமான வீணை
கனிவான ஸ்வரம் பாட பதமானது
அழகான இளம் பெண்ணின் மேனி தான் கூட
ஆதார சுதி கொண்ட வீணையம்மா
அழகான இளம் பெண்ணின் மேனி தான் கூட
ஆதார சுதி கொண்ட வீணையம்மா
ராகங்கள் பதினாறு உருவான வரலாறு
நான் பாடும் போது அறிவாயம்மா
இடையாட வளையாட சலங்கைகள் ஆட
இலையோடு கொடி போல நடமாடினாள்
இடையாட வளையாட சலங்கைகள் ஆட
இலையோடு கொடி போல நடமாடினாள்
உலகாளும் உமையாளின் ராக பாவங்கள்
ஆனந்தம் குடி கொண்ட கோலமம்மா
உலகாளும் உமையாளின் ராக பாவங்கள்
ஆனந்தம் குடி கொண்ட கோலமம்மா
ராகங்கள் பதினாறு உருவான வரலாறு
நான் பாடும் போது அறிவாயம்மா
பல நூறு ராகங்கள் இருந்தால் என்ன
பதினாறு பாட சுகமானது ஆ....ஆ....
பல நூறு ராகங்கள் இருந்தால் என்ன
பதினாறு பாட சுகமானது
ராகங்கள் பதினாறு உருவான வரலாறு
நான் பாடும் போது அறிவாயம்மா..."
இதோ அந்த பாடலின் வீடியோவை பார்க்க
youtube.com/watch?v=JV6wCKuyVwM
இங்கே க்ளிக் செய்யவும்.. நன்றி.
பிரியமுடன் இரா.பிரசாந்த்

காதல்




ரே அலைவரிசியின் உணர்வு காதல்...!

இரு இதயங்களின் புணர்வு காதல்...!

பார்வைகளின் மெளனமொழி காதல்...!

உயிர் ஜனிக்கும் புனிதம் காதல்...!

இதழ் இனிக்கும் முத்தம் காதல்...!

உண்மை அன்பின் தேடல் காதல்...!

உன்னை இசைக்கும் பாடல் காதல்...!

பூக்களைப் பறித்து ரசித்தால் காதல்...!

கண்ணாடி பார்த்து சிரித்தால் காதல்...!

பைத்தியம் பிடிக்க வைத்தால் காதல்...!

அதற்கு வைத்தியம் செய்ய மறுத்தால் காதல்...!

முடிவில்,

திருமணம் செய்தால் பிழைப்பாய்...!

இருமனம் இழந்தால் இறப்பாய்...!

Saturday, July 25, 2015

நான்

பிறந்த நோக்கத்தை நித்தமும் தேடிக்கொண்டிருக்கும் ஒருவன் நான்...!
சிறந்த பெரியோர்களின் வாழ்க்கைகளைப் பாடமாகக் கற்றுக்கொண்டிருக்கும் சிறுவன் நான்..!
என் தாய்மொழி காயம்படும்போதெல்லாம் எழுத்தாணி முனைகொண்டு மருந்திட்டு புண்ணாற்றும் வைத்தியக்காரன் நான்...!


எனக்கான வெற்றிக்கனியை மற்றவர்கள் அபகரித்துக்கொள்ளும் சிலவேளைகளில் சிரித்துக்கொண்டே
ஏமாறும் பைத்தியக்காரன் நான்...!
தோல்விகள் துரத்தும் சமயம் புறம்காட்டி மதிலேறி ஓடுபவனல்ல நான்...!
அத்தோல்விகளிடம் கேள்விகள் கேட்டு அகம்காட்டி பதிலையே
நாடுபவன் நான்...!
இம்மாய உலகில் சிலநிழல் தாக்கி பலநிஜம் அறிந்தவன் நான்...!
அம்மா-வின் அருகில் பத்துவிரல் நீட்டி இருபுஜம் தூக்கி வியந்தவன் நான்...!
வேடிக்கையான மனிதர்களுக்கு நடுவில் தீ மூட்டும் தீரன் நான்...!
வாடிக்கையாகிப்போன வாழ்க்கைப்போர் முடிவில் கொடிநாட்டும் வீரனும் நான்...!

எப்பொழுதும் என் தமிழ்த்தாயின் மடியில் - இரா.பிரசாந்த்

சாதி தீ



சாத்தான் பற்ற வைத்த தீ..
அத்தீயில் பற்றி எரிந்துவிடாதே நீ...!
கீழ்சாதியென்று தாழ்த்தி, மேல்சாதியென்று உயர்த்தி,
உயிர்பலி வாங்கிக் கொண்டிருக்கிறதடா அந்த கொள்ளித்தீ...!
மனிதனை மனிதன் பிரித்து வைக்கும் அவலம்... ச்சீ விலங்குகளிடம் கூட இல்லை இந்த கேவலம்..!
தீண்டாமை கூறி அறியாமையை வளர்த்துவிட்டான் கொடியோன்...
தீண்டிவிட்டு தூண்டிவிடாதே அந்த சாதியத்தீயை... புத்தி கெட்டு சத்தியம் செத்துவிடுமடா மானிடா...
பூமியையே ஆராய்ந்து பார்க்கும் புது மனிதா... இனி இப்பூமியில் புதிதாய் பூக்கும் பூச்செடிகளுக்கு(குழந்தைகளுக்கு) சாதியென்னும் ரசாயன உரமிட்டுவிடாதே... அப்பூவின் தேன்கூட விஷமாகுமடா...!

எப்பொழுதும் தமிழ்த்தாயின் மடியில் - இரா.பிரசாந்த்

Wednesday, July 22, 2015

டாஸ்மாக் கடை (சமூகத்தின் சாக்கடை)

டாஸ்மாக் கடை என்னும் சா(ராய)க்கடை சமூகத்தில் கலந்துவிட்டது. அதன் விளைவாக இன்றுவரை நம் தமிழ்நாட்டில்  எண்ணிலடங்கா துயரங்கள் நிகழ்ந்துவிட்டது, நிகழ்ந்து கொண்டிருக்கிறது. இனிமேலும் நிகழவிருக்கிறது என்பது தான் சமுதாயத்தை அச்சுறுத்தக்கூடியதாக இருக்கிறது.


சமீபத்தில் சமூக வலைதளங்களில் வெளியான "நான்கு இளைஞர்கள் ஒன்று சேர்ந்து, ஒரு நான்கு வயது குழந்தையை வற்புறுத்தி, மது அருந்த வைக்கும்" காணொளி காட்சியைக்கண்டு அதிர்ந்தே போனேன்...! பள்ளிக்குழந்தைகளும், கல்லூரி பெண்களும் கூட அடிமையாகிக்கொண்டிருப்பதுதான் கவலையின் உச்சம்.



இந்த மானங்கெட்ட மதுவை அருந்துவதால் உடனடியாக ஆல்கஹால் இரத்தத்தில் கலந்து முதலில் மூளைக்குச் சென்றுதான் பாதிப்பை உண்டாக்கும். பிறகுதான் கல்லீரல். நம் மூளை தானே நமக்கு கட்டுப்பாடு அறை அதுவே பாதிப்புக்குள்ளாகி கட்டுப்பாட்டை இழந்தால், ஓட்டுநரின் கட்டுப்பாட்டிலிருந்து கைவிடப்பட்ட வாகனங்கள் போலதான் நாமும் பெரும் விபத்துக்குள்ளாகி உயிரிழக்க நேரிடுகிறது. முதலில் அளவோடு நிறத்திக்கொள்ளலாம் என்றே எல்லோரும் ஆரம்பிப்பார்கள். அதுதான் அழிவின் ஆரம்பம். சிறு இன்பத்திற்காக ஆரம்பிக்கும் இப்பழக்கம் பின் பெரும் துன்பத்தை உண்டாக்கி, நாளடைவில் நம் உயிருக்கே ஆபத்தை விளைவிக்கும் என்பதை மறக்கவேண்டாம். இந்த ஆல்கஹாலுக்கு மனிதனை அடிமையாக்கும் அசுர குணம் உண்டு. அதனால்தான் பலர் அறவே விட்டொழிக்க நினைத்தும் கூட விடமுடியாமல், அதன் அடிமை வலையில் சிக்கி சின்னாபின்னமாகிவிடுகிறார்கள்...!
வேலைக்குச்சென்றுவரும் குடும்பத்தலைவர்கள் பலர் தன் வேலைப்பளுவின் அலுப்பைப்போக்கவே குடிப்பதாக கூறுவர். இப்படி சப்பை காரணம் சொல்லுபவர்களே... குடும்பத்தலைவிகள் ஒருநாளில் வீட்டில் சந்திக்கும் வேலைப்பளுவைப்போக்க பதிலுக்கு அவர்களும் குடித்தால் குடும்பத்தின் நிலை என்ன என்பதை உணருங்கள். மதுப்பழக்கத்திற்கு அடிமையாகி, குடும்பத்தை வழிநடத்த வழிதெரியாமல் வலியில் தவிக்கிறான். பின் சமுதாயத்திலும் நற்பெயரை இழந்து நான்கு சுவற்றுக்குள் நாசமாகி, அவனை நம்பியிருக்கும் குடும்பமும் நடுத்தெருவிற்கு வந்து, இச்சமூகமும் நாசமாகிக்கொண்டிருக்கிறது.


நான் நேரடியாக கண்ட ஒரு சம்பவத்தை இங்கே கூறவிளைகிறேன்...
என் கண் முன் நடந்த நிஜம்.
"ஒரு நாள் இரவு இராமநாதபுரம் பஸ் ஸ்டாண்ட் அருகில் ஒரு தாயும் மகளையும் கண்ணீருடன் காண நேர்ந்தது ...நான் வெகு தொலைவில் நின்று கொண்டிருந்தேன் ... அருகில் செல்வதற்குள் கூட்டம் கூடியது.. ஒரு 40 வயது மதிக்க தக்க குடும்ப தலைவன் செம போதையில் தள்ளாடிக்கிடந்தார்... அவரை சுய நினைவிற்கு கொண்டு வர முடியாமல் அருகில் அவரது மனைவியும், 16 வயது மதிக்கத்தக்க மகளும் கண்ணீருடன்...! பிறகு எலுமிச்சைப்பழத்தை அவர் தலையில் தேய்த்து விட்டும் வாயில் பிழிந்து விட்டும், போதையை தெளியவைக்க இருவர் போராடிக்கொண்டிருந்தனர். பாவம் அவரது மனைவியும் மகளும். பரிதவித்துக்கொண்டிருந்தனர். மிகவும் வேதனையடைந்தேன்."


தலைகுனிய வைக்கும் விடயம் என்றால், தன் வருமானத்திற்காக அரசாங்கமே டாஸ்மாக்கை நடத்துவதுதான்... வருமானத்தை அதிகரிக்க பல தொழில்வளர்ச்சிகளை ஆராய்ந்து மாற்றுவழி கண்டறியாமல் சமூகத்தை அரசாங்கமே அழித்துக்கொண்டிருக்கிறது என்பது அவமானத்திற்குரிய விடயம். ஏற்கனவே வெள்ளையர்களின் ஆட்சியில் போராடி சுதந்திரம் பெற்ற நாம் இந்த சுயநல கொள்ளையர் (அரசியல்வாதி)களின் ஆட்சியிலிருந்து மறுபடியும் போராட வேண்டிய இக்கட்டான நேரம் இது...!

படித்தது பிடித்திருந்தால் கமெண்டில் தெரிவிக்கலாம்..
எழுத்துக்கள் என்னை விமர்சிப்பதாகக்கூட இருக்கலாம்....! நன்றி.

Tuesday, July 21, 2015

பெண்மை

பெண்மையை பற்றி எத்தனையோ மூத்த எழுத்தாளர்கள் எழுதியிருக்கிறார்கள். கவிஞர்கள் கவிதைகளில் வர்ணிப்பு செய்திருக்கிறார்கள். இருந்தாலும், நான் பெண்மையின் வலிகளை என் வார்த்தைகளுக்குள் வலுக்கட்டாயமாக வரவழைத்த சிறுமுயற்சி இது.. இதோ இந்த இருபத்து மூன்று வயது இளைஞனின் பார்வையில், "பெண்மையின் வலியும் வலிமையும்"...!


ஆணிற்கு ஆதரவாகவும் அரவணைப்பிற்காகவும் ஆண்டவனால் அருளப்பட்ட அற்புத படைப்பு. பெண் இனம் இல்லாமல் போயிருந்தால் இன்பம் என்ற சொல் இறந்திருக்கும். ஆண்மகனிற்கு அத்தகைய இன்ப ரசத்தை உடல் மூலமாகவும், உள்ளத்தின் மூலமாகவும் ஊட்டுபவள் பெண். பெண்கள் இல்லா உலகம், பூக்கள் இல்லாத முட்செடிகளாக புதர் மண்டியிருக்கும்... மனித இனம் பெருக பெண்மையின் பங்கு பெரும்பலம். ஆண்மகனின் வீரத்திற்கு ஈடாக பெண்மனதின் ஈரமும் கிட்ட தட்ட சமநிலையைப்பெற்றிருக்கும்.


நம் இந்திய நாட்டின் சுதந்திரத்திற்கு கூட பெண்கள் ஆண்களுக்கு இணையாக போராடியிருக்கிறார்கள் என நாம் அறிவோம். ஆனால், ஒரு பெண் இந்த கலிகால சமுதாயத்தில் ஆண் என்ற போர்வையில் அலையும் சில காம மிருகங்களின் பார்வையில் கற்பை பறிகொடுக்காமல் வாழ்வதே ஒரு மாபெரும் வீரம்தான்.. இருந்தாலும், சிலந்தி வலையில் சிக்கும் சில சிறு பூச்சிகள் போல், சில பூக்கள் கருகிவிடுவதில் தான் கடவுளின் ஓரவஞ்சனை ஒழுகிவிடுகிறது.


பருவமடைந்த பின் மாதம் மாதம் பாதகம் விளைவிக்கும் மாதவிடாய் வலியை, இரத்தத்தை சிந்தி துன்பத்தை சந்திக்கிறாளே இதை விட பெரிய வலி உண்டா ? திருமணம் முடிந்தவுடன் தன் வாழ்க்கைத்துணையான ஆண்மகனுக்கு, முதன் முதலில் முதலிரவில் தன் கற்பை விருந்துவைப்பதற்காக, தன் இரு கால்களையும் விரித்து வைத்து தன் குறி காட்டுகிறாள். குறிப்புழையில் ஆண்மகன் குறி குத்தியதும், கற்பின் அடையாளமாம் கன்னிச்சவ்வு தன் யோனியின் உள்ளே கிழியும்போது வார்தைகளுக்குள் வரவைக்க இயலாத இரத்தவலியை சத்த முனகலில் தாங்குகிறாள். அதன் பலனாக பத்து மாதங்கள் கருவை சுமக்கும்போதும் வலி. அக்கரு குழந்தையாக பிறக்கும்போதும் வலி. அப்பப்பா எழுதும்போதே எட்டிப்பார்க்கிறது வார்த்தைகளில் வலி...


ஒரு ஆண்மகன் எவ்வளவு பெரிய வீரனாக இருந்தாலும், ஒரு பெண் தன் குழந்தையை பிரசவிக்கும் நிகழ்வை நேருக்குநேர் பார்க்க அவனுக்கு அணு அளவுகூட தைரியம் இருக்காது. ஒரு வீரம் மிக்க ஆண் கூட, அந்நிகழ்வை பார்ப்பதற்கே பயப்படுகிறான் என்றால் அந்த தாய் எவ்வளவு வலியை, தன் இரு பிளந்த கால்களின் வழியே கசியவிட்டுக்கொண்டிருப்பாள் என்பது கற்பனைக்கும் எட்டாத தூரம். துயரமும் கூட... குழந்தையை பெற்றெடுத்தவுடன் பெண்மையின் சிறப்பு முடிவதில்லை. அக்குழந்தையைச்சுற்றி பாசமென்னும் பாதுகாப்பு போட்டுவைப்பதுடன், குழந்தைக்கு சோறுட்டுவதில் இருந்து, தாலாட்டுவது வரை சீராட்டி வளர்ப்பாள் பெண். தான் இவ்வுலகத்தை விட்டு விடைபெறும் வரையிலும் அந்த பாசப்பாதுகாப்பு நீடிப்பதே தாய்மையின் உச்சம்.

இப்படியாக, ஒரு ஆணுக்கு தாயாகவும், குழந்தையாகவும், மனைவியாகவும் பல பரிணாமங்களில் பாசத்தை பரவ விடுவதில் பெண்களுக்கு நிகரில்லை. தன்னை விட அருகிலிருக்கும் அனைத்து உறவுகளுக்கு உறுதுணையாக இருக்கும் பெண்கள், ஆண்களிடமிருந்து அதிகம் எதிர்பார்ப்பது குறைந்தபட்ச அன்பை மட்டுமே. அந்த குறைந்தபட்ச அன்பைக்கூட பல ஆண்கள் வெளிக்காட்டுவதில்லை என்பதுதான் பாவத்தின் உயரம். வேலைக்குச் செல்லும் இடத்தில் கூட ஆண் இனத்தால் கேலி, கிண்டலுக்கு உள்ளாக்கப்படுகிறாள்.  இவற்றையெல்லாம் கடந்து, இன்றும் பல பெண்கள் ஆண்களை விட இன்னும் ஒருபடி மேல் சாதிக்க தொடங்கிவிட்டார்கள் என்பதுதான் பெண்ணின் வலிமை...! 
வளர்க பெண்மை.... வாழ்க அவளின் பெருமை...!


படித்தது பிடித்திருந்தால் கமெண்டில் தெரிவிக்கலாம்..
எழுத்துக்கள் என்னை விமர்சிப்பதாகக்கூட இருக்கலாம்....! நன்றி.

Monday, July 20, 2015

ஆதிவாசியாக வாழ ஆசை

திவாசிகள் என்ன குறை கண்டிருப்பார்கள் நிச்சயம் குறை இருந்திருக்க வாய்ப்பில்லை.. மகிழ்ச்சியாக நிறைவுடனே வாழ்ந்திருப்பார்கள். ஆம், பச்சை பசலென காடுகளின் பாதுகாப்பில், இயற்கை அன்னையின் அரவணைப்பில் வாழ்ந்திருப்பார்கள். அவ்வபோது வந்துபோகும் சில நோய்களுக்கும் இலை காய்களே மருந்துகளாய் மலர்ந்திருக்கும். அந்த ஆதிகால மனிதன் சுவாசித்த மூச்சுகளில் கூட மூலிகைவாசம் கலந்திருக்கும்...! இப்போது நாம் சுவாசிக்கும் புகைக்காற்றுகளை நுகரும்போதெல்லாம் பகைத்துக்கொள்கிறேன் இந்த நகரவாழ்க்கையை...!


இப்படி இயற்கையை அழித்து அழித்து செயற்கையாக அனைத்தையும் உருவாக்கி மகிழும் நாம், இயற்கையை அழித்ததற்குண்டான தண்டனைகளை, இயற்கையானது நம்மை அவ்வபோது சுனாமி, நிலநடுக்கம் என பல சீற்றங்கள் மூலம் பழி தீர்த்துக்கொள்வதையும் நாம் புரிந்துகொள்ளவேண்டும். இப்படி இயற்கையும் அழித்து நாமும் கொஞ்சம் கொஞ்சமாக அழிந்து போவதில் யாருக்கு என்ன லாபம் ???? எனவேதான், ஆதாம் ஏவாள் காலத்தில் பிறந்து இ(ரு)றந்திருக்கலாமென தோன்ற வைத்துவிட்டது இந்த நாகரிக நரக வாழ்க்கை.


எங்கு பார்த்தாலும் கொலை,கொள்ளை, கற்பழிப்பு என கருகிக்கொண்டுதான் கழிகிறது
இக்கலிகாலம். யார் மீது பழி சொல்வது படைத்த இறைவன் மீதா... படைத்தது இறைவன்தான் என நிரூபிக்க முடியுமா நம்மால்..? ஆனாலும் ஏதோ ஒரு சக்தி ஆள்கிறது, அதுவே அழிக்கவும் செய்கிறது என்பதை நம்பாமலும் இருக்கமுடியவில்லை. காட்டுவாசியாக வாழ்ந்த ஐந்தறிவு விலங்குகளினூடே ஆறறிவு கொண்ட அதிசயப்பிறவியாய் மனிதப்பிறவியை படைத்துவிட்டதும் அதே சக்தி தான். அந்த ஆறாம் அறிவுதான் நாகரிகம் உருவாக காரணமும் கூட. ஆசையே துன்பத்திற்கு காரணம் என்றான் புத்தன்.. அப்படியானால் அந்த ஆசை மூலம் உண்டான நாகரிகம் கூட நம் துன்பத்திற்கு ஒரு காரணம்தானா என என்ன எண்ணத்தோன்றுகிறது... நல்ல சக்திக்கும் தீய சக்திக்கும் இடையில் மாட்டிக்கொண்டு விழி பிதுங்குகிறான் மனிதன் என்கின்றனர் சில ஆன்மீகவாதிகள். அதில் எனக்கு உடன்பாடில்லை.மாறாக மாற்றக்கருத்து உண்டு. இங்கே இயற்கைக்கும் மனிதனக்கும்தான் போராட்டமே...! பசிக்காக வெறும் விலங்குகளை மட்டும் வேட்டையாடி உண்டான் ஆதி மனிதன். ஆதாம் ஏவாள் என அம்மணமாக வாழ்ந்தவன், தன் இனப்பெருக்க உறுப்புக்களை மறைப்பதற்கு ஏனோ திடீர் ஆசை கொண்டான். அந்த ஆசை தான் அந்த ஆறாம் அறிவின் மூலமந்திரம் என்பதை நாம் உணர வேண்டும். பின், மரத்தின் இலைதழைகளை உடைகளாக உடுத்தி நாகரிக வாசலைத்திறந்தான். மாமிச உணவுகளை பச்சையாக உண்டவனுக்கு அதில் சூடேற்றி சமைத்து சாப்பிட ஆசை. கற்களை கண்டறிந்து உராய்ந்து உராய்ந்து நெருப்பை மூட்டி, மாமிச உணவுகளை அத்தீயில் வாட்டி சமைத்து உண்ண ஆரம்பித்தான். இப்படியாக படிப்படியாக நாகரிகம் நன்றாக வளர ஆரம்பித்ததை நாம் அறிவோம்.


முதலில் மானம் மறைக்க மட்டுமே உபயோகிக்கப்பட்ட உடைகள், இப்போது ஸ்டைலாக உடுத்தப் பயன்படுவதும், ஓரிடத்திலிருந்து தொலைவிலிருக்கும் மற்றொரு இடத்திற்கு மனிதனும் பண்டங்களும் துரிதமாக இடம்பெயர மட்டுமே பயன்படுத்தப்பட்ட வாகனங்களும் ஸ்டைலாக உருவாக்கப்பட்டு பயன்படுத்தப்படுவதும், ஏன் நாம் உண்ணும் உணவு கூட ஸ்டைலாகத்தான் இருக்கிறது. இப்படி நாளுக்கு நாள் நாகரிகம் பரிணாம வளர்ச்சி அடைந்துகொண்டிருக்கிறது.... எந்த கெட்ட நேரத்தில் மனிதன் தன் பசிக்காக, உணவு தேடி, உழைக்க ஆரம்பித்தானோ அதன்பின் தான் பஞ்சம் பஞ்சாக ப(பி)றந்திருக்கும். மனிதனுக்குள் ஏற்ற தாழ்வு பிறக்க இது கூட காரணமே...
மனிதனை மனிதனே ஆட்சி செய்யத்தொடங்குவதற்கும் இந்த ஏற்றத்தாழ்வே காரணம்.. சாதிகள் பெருகியதற்கு காரணமும்கூட.. மன்னார்கள் ஆட்சி தொடங்கி, வெள்ளையர்களிடம் அடிமை பட்டு, தற்போது சுயநல அரசியல்வாதிகளின் (கொள்ளையர்களின்) ஆதிக்கத்தில் வாழ்வதை விட, சுதந்திரமாக நமக்கு நாமே ராஜா என்ற கொள்கையில் ஆதிவாசிகளின் வாழ்க்கையை வாழ ஆசை....!

படித்தது பிடித்திருந்தால் கமெண்டில் தெரிவிக்கலாம்..
எழுத்துக்கள் என்னை விமர்சிப்பதாகக்கூட இருக்கலாம்....! நன்றி.

Tuesday, July 7, 2015

என் இனிய பொன் நிலாவே (தொடர் கதை)

                                                            பகுதி-1

னதை மயக்கும் மாலைப்பொழுதின் வேளையில் ஓர் திருமண நிச்சயதார்த்தத்திற்கு புகைப்படம் எடுக்கச்சென்றிருந்தேன். அங்கேயே எனக்கும் காதல் நிச்சயமாகும் என்பதை அறியாமல் நின்றிருந்தேன். அங்கு குழந்தைகளின் துள்ளலும், என் வயது இளசுகளின் ஜொள்ளலும் அதற்கேற்ற பெண்களின் எள்ளலுமென மண்டபமே களைகட்டியது... இதுபோக, நகை புடவை விசாரிப்புகளும் வயதானவர்களின் நலம் விசாரிப்புகளும் கூட அரங்கில் அரங்கேறிக்கொண்டிருந்தன. புகைப்படக்கலைஞன் என்றாலே நாளாபுறமும் என்ன நடக்கிறது என்பதை கவனிக்கத்தாக வேண்டுமே...! அப்பொழுதுதான் மும்முரமாக மணமக்களின் பிம்பங்களை என் கேமராவுக்குள் கொண்டுவந்தேன். புரியவில்லையா? அதாவது மணமக்களை போட்டோ எடுத்துக்கொண்டிருந்தேன். மணமக்கள் மோதிரம் மாற்றும் நேரம் பார்த்து ஒலித்தது என் செல்(ல)பேசி... அச்சமயம் அழைத்தவருக்கு பதிலளிக்க முடியவில்லை. நீண்டநேரம் ஒலித்துக்கொண்டிருந்தது. திரும்ப திரும்ப அழைப்பு வந்தது காரணம் நண்பன் ஆயிற்றே... சைலண்ட் மோடில் கூட போடமுடியாத நிலை.
அந்த ரிங்டோன் பாடல் "என் இனிய பொன் நிலாவே.. பொன்நிலவில்ன் கனாவே...!"
ஆம் நான் இளையராஜாவின் இசைப்பிரியன்.அருகில் இருந்த அந்த அழகிய காதுகளிலும் ஒலிக்க,மறுகணம் அந்த பாவையின் பார்வை படர்ந்தது இந்த பைத்தியக்காரன் மேல். ஏனோ மெல்ல பூவிதழ் மலர்ந்தாள்.
அடுத்த நொடியே என் கவனம், மெளனம் கண்டது. காரணம் அந்த புயல் பார்வை என்னிடம் மையம் கொண்டது. பெண்ணின் பார்வைகளை பற்றி எத்தனையோ கவிஞர்கள் வர்ணித்திருந்தாலும், வார்த்தைகளில் வர்ணிக்கமுடியாத பார்வைகளுக்கு சொந்தக்காரி அவள்.


பல பெண்களைக் கடந்திருந்தும் கூட, இனி இவளைக்கடக்க முடியாமல் கவிழ்ந்துவிடுவேனோ அச்சம். ஒருபக்கம் திருமண நிச்சயதார்த்தம், மறுபக்கம் காதல் நிச்சயதார்த்தம்... மூளை சொல்வதை மனம் கேட்க மறுக்கிறது. ஆம் மனம் அவள் பக்கமே இருக்கிறது. தப்பித்தாக வேண்டுமென அங்குமிங்கும் அலைபாய்கிறேன். திரும்ப திரும்ப அவள் பக்கமே தலைசாய்கிறேன். நான் மட்டும்தான் இங்கே இப்படி நினைத்துக்கொண்டிருக்கிறேனா? அவள் நினைப்பது என்னவோ? எழுந்தது வினா... பெண்களின் மனதை புரிந்துகொண்டவர் இவ்வுலகில் எவருமில்லையே. நான் மட்டும் விதிவிலக்கா என்ன... மனதை மறுபக்கம் திருப்ப, குழந்தையை புகைப்படம் எடுத்துக்கொண்டிருந்தேன்.



ஹலோ எக்ஸ்யூஸ் மீ.. மெல்லிய குரல் மிக அருகில் எனக்கு பின்புறம் ஒலித்தது. சற்றும் எதிர்பார்க்கவில்லை ஆம் அவளே தான். இதயம் படபடக்க தொடங்கியது மிக அருகில் உதயமான அவள் முகம் கண்டு. பேச்சு வரவில்லை மூச்சு மட்டும் மின்னல் வேகத்தில் வருகிறது. சர்வம் படத்தில் த்ரிஷாவை பார்த்த ஆர்யாவை போல் மனதில் ஒலிக்கிறது இளையராஜாவின் பிண்ணனி இசை. சில நொடிக்கு பின் "ம்" என்றேன்.


அவள், என்னோட அக்கா மேரஜ்க்கு போட்டோ எடுக்கணும் உங்க கான்டெக்ட் நம்பர் தர்றீங்களா என்றாள். நம்பரை உளறினேன் ஆம் நம்மூர் மொபைல் நம்பர் மொத்தம் பத்து தானே. நான் இரண்டு அதிகம் சேர்த்து பண்ணிரெண்டு நம்பரை கூறிவிட்டேன்.உடனே அவள் ஃபாரின்ல இருக்கீங்களா என்றாள் காமெடியாக. நான் இல்லையே ஏன் என்றேன். பின்னே 12 நம்பர் சொல்றீங்க என்றாள். பின் சிரிக்கத்தொடங்கிவிட்டாள். நானோ அவளின் சிரிப்புச்சிறையில் அடைபட்டுவிட்டேன்.. ஜாமீன் கிடைப்பது கடிது. பின் சரியான நம்பரைக்கூறினேன். அவளது விரல் அழுத்தத்தில் பதிவானது என் எண்கள்.. அவள், "ஐ வில் கால் யூ" என விடைபெற்றாள். எனக்கோ "ஐ லவ் யூ" சொல்லி என் காதலுக்கு ஜடை போட்டதுபோல் இருந்தது. விரைவில் பூ வைக்கப்படும்...!

காதல் தொடரும்...!

                                                     பகுதி-2


திருமண நிச்சயதார்த்தமும் ஒரு வழியாக முடிந்தாயிற்று... வெளியில் அவள் செல்லும் பாதையை பாரத்துக்கொண்டே 'செல்'லும் கையுமாக நின்றுகொண்டிருந்தேன்.. அவள் தலைமுடியின் முடிவில் முடிந்தது அன்றைய நிகழ்வு.. மறுநாள் விடிந்தது, வழக்கம்போல்தான் தொடங்கியது அந்த பொழுது. செல்பேசி ஒலிக்கும்போதெல்லாம் அழைப்பது அவளாக இருக்கக்கூடாதா என ஏங்கினேன்.. அப்படியே நகர்ந்தது நாட்கள் அவளின் நினைவுகளிலும் கனவுகளிலும்... பின் ஒரு நாள் இரவு மொட்டைமாடியில் ஆகாய நிலவின் அழகை ரசித்துக்கொண்டே, பூமியின் நிலவாம் அவளையும் நினைத்துக்கொண்டே, இளையராஜாவின் காதல் கீதநதியில் காதுகளை நனைத்துக்கொண்டிருந்தேன். அந்த கணம் ஒலித்தது என் செல்பேசி அழைத்தது அவள்தான் ஆனால் பேசியதோ வேறொரு பெண்ணின் குரல். இது அவள் குரல் இல்லையே சந்தேகித்தது மனது. மறந்து போகக்கூடிய குரலா அது. அன்று நான் கேட்ட அந்த குரல் இளையராஜா பதிவு செய்த பாடலைப்போல மனதில் பதிந்து போயிருந்தது. "கார்த்திக்"கா எனக்கேட்டு ஆரம்பித்தது அந்த சந்தேகக்குரல். ஆமா நான் கார்த்திக் தான்.. நீங்க என்றேன். என்னோட படத்துல ஹீரோவா நடிக்கணும் ஹால்சீட் கிடைக்குமா என்று கேட்டது அக்குரல். நான் கோபமாக, ஹலோ நான் நடிகர் கார்த்திக் இல்லை. போட்டோகிராபர் கார்த்திக் என்றேன். பின் ஹேய் லூசு என அருகில் கேட்டது அந்த அழகி(ய)யின் குரல் அடுத்த கணமே கை மாறியது செல்பேசி. "ஹலோ சாரிங்க என் ஃபிரண்ட் தெரியாம பேசிட்டா ப்ளீஸ் கோச்சுக்காதீங்க" என நீண்டது குரல். அவள் குரலேதான் என தீர்மானித்தது மனது. பின் நான், பரவாயில்லங்க நீங்க யாரு எனக்கேட்டேன் அறியாதவன்போல். அவளோ என்னோட பெயர் பிரியா. நிச்சயதார்த்தம் அன்னைக்கு மஹால் ல மீட் பண்ணோமே மறந்துட்டிங்களா என்றாள். நானோ மறக்கக்கூடிய நிகழ்வா அது என மனதில் நினைத்துக்கொண்டு, மறந்ததுபோல் நடித்தேன். சரியா ஞாபகமில்லங்க.. எப்போ எங்கே என கொஞ்ச நேரம் நடித்தேன். பின் குறுகிய நொடிகளில் ஒரு வழியாக ஞாபகம் வந்துவிட்டதென ஒப்புக்கொண்டேன். பின், நான் எப்போங்க உங்க அக்காவுக்கு மேரேஜ் என்றேன்..நான் அதுக்காக கால் பண்ணலனு சொன்னாள். நானோ ஒன்றும் புரியாதவனாய் பின்னே எதுக்கு என்றேன். மீட் பண்ணும்போது சொல்றேன் எப்போ மீட் பண்ணலாம்னு கேட்டாள்... நாளைக்கு ஒர்க் இருக்குனு சும்மா பிஸியாக இருப்பதாக பீலா விட்டேன்...அவள், நீங்களே எப்போ ஃப்ரீனு சொல்லுங்க மீட் பண்ணலாம் என்றாள். என்னால் இந்த குரலைக்கேட்டுவிட்டு இந்த இரவைக்கழிப்பதே சிரமம். வாரம் தாண்டக்கூடாதென நாளை மறுநாளே என்றேன். சரி ஓகே மீட் பண்ணலாம்..குட் நைட் என கட் ஆனது அவளது குரல். அன்றைய இரவு இளையராஜாவின் கீதமும், அவளின் குரல் மீதமுமாக கழிந்தது.
விடிந்தது மறுநாள் அவளின் நினைவில் மட்டுமே கரைந்தது அன்றைய ஒருநாள்.. மறுநாள், அவளை சந்திப்பதாகச் சொன்ன நாள் காலை வேளை. முகத்திற்கு சோப் முப்பது தடவை தேய்த்தும் திருப்தி அடையவில்லை... குளித்து முடித்தேன் அரை மனதாக.. வேக வேகமாக கண்கள் புது உடைகளைத்தேடி... வாசனைத்திரவியங்களும் காலியானது. கண்ணாடியும் கண்ணீர் வடிக்கும் அளவிற்கு முக அலங்காரம்... அவளது அழைப்பிற்கு காத்திருந்து  கடந்தேன் காலை 11 மணியை... பிறகு வெட்கம் விட்டு நானே அவள் செல்பேசிக்கு அழைத்தேன்.. கடைசி ரிங்கில் அட்டென்ட் செய்தாள்.. ஹலோ என்னாச்சு இன்னிக்கு மீட் பண்ணலாம்னு சொன்னீங்களே என்றேன். அவளோ, ஆமா என்றாள் அமைதியாக. நான் ஏன் வரல என்றேன்... ஈவ்னிங் தானே மீட் பண்றேன்னு சொன்னேன் என்றாள். நான் அவசரப்பட்ட அப்பாவியாய் அமைதியுடன் சரி என்றேன். பின் மாலை வேளையும் வந்தது மங்கையவளும் வந்தாள்... காபி ஷாப்பில் அவளுக்கு முன்னாலேயே வந்துவிட்டேன் நான் . அவள் நடந்து வரும் அழகை கண்ணிமைக்காமலும், அவள் கண்காணிக்காமலும் ரசித்தேன்.. சிறு புன்னகையை என்மேல் தூவிவிட்டு என் நேர் எதிரே அமரந்தாள் அந்த அழகி...!
காதல் தொடரும்...

                                                பகுதி-3


அந்த அழகி அருகில் அமர்ந்ததும், அவள் அள்ளித்த்தெளித்திருந்த வாசனைத்திரவியம் மணம் கமழ்ந்ததும் அவளே ஆரம்பித்தால் "ஹாய், ஹவ் ஆர் யூ..? பதிலுக்கு நான் ம்ம்ம் ஃபைன் என்றேன்.. தென், அவளுடைய சின்ன வயது போட்டோவை என் கையில் கொடுத்து, ஹவ் மச் ஃபார் எடிட் ஒர்க் இன் திஸ் போட்டோ? எனக் கேட்டாள். அதற்கு நான், நீங்களும் தமிழ் தான் நானும் தமிழ் தான் எதுக்கு இந்த புதுமொழி? தமிழ்லயே பேசலாமே என்றேன். நான் அறைகுறை ஆங்கிலம் என்பதை இந்நேரம் அவள் அறிந்திருக்கக்கூடும். பின், தமிழ்லயே நக்கலாக புலவரே, இந்த பழைய புகைப்படத்தை புதுப்பித்துத்தர எவ்வளவு ரூபாய்? என்றாள். உடனே நான், அதுக்காக செம்மொழியில் பேசி தமிழை வாழவைக்கவேண்டாம் என்றேன். தெரிக்கவிட்டாள் தெத்துப்பல் சிரிப்பை....! அதை இரு கண்களில் பொறுக்கிகொண்டேன்.


பின், நான் நார்மல் சைஷ் னா 250 ரூபாய் வரும்னு சொன்னேன். அவள், ஓகே... எப்போ கிடைக்கும் என்றாள் நான், நாளைக்கழிச்சு வாங்கிக்கோங்க என்றேன். தலையசைத்து ம்ம்ம் என முற்றுப்புள்ளி வைத்தாள். ஆரம்பித்தேன் நான், இதை ஸ்டூடியோல வந்து கொடுத்திருக்கலாமே...? எதுக்கு இவ்ளோ தூரம் காபி ஷாப் வரைக்கும் என்றேன். அதற்கு அவள், சிறு புன்னகையை பரவிவிட்டபடி, இல்லை உங்க கூட ப்ரண்ட்ஸிப் வச்சுக்கனும் என்றாள். ஏன் என்கூட? என்றேன் நான்.  அப்போதானே என்னோட மேரேஜ்க்கு ஃப்ரீயா வீடியோகவரேஜ் பண்ணித்தருவீங்கனு மொக்கை போட்டாள். நானோ, செம காமெடிங்க வீட்ல போயிட்டு சிரிக்கிறேன் என்றேன். மிளகாய் மூக்கைக்கொண்டு முறைத்தாள். நான் , ஜஸ்ட் ஃபார் ஃபன்.. கூல் என்றேன். ஒலித்தது என் செல்(ல)ப்பேசி "என் இனிய பொன் நிலாவே" அதே ரிங்டோன்.. பேசிமுடித்துவிட்டு பாக்கெட்டில் வைத்தேன்.. உடனே அவள் இளையராஜா ன்னா பிடிக்குமா? என்றாள்.. நானோ இல்லை அவரோட மியூசிக் பிடிக்கும். என்றேன். ஐயோடா என்றாள் அழகாக..! உங்களுக்கும் பிடிக்குமா என்றேன்... ம்ம்ம்ம்ம்ொம்ம்ம் ரொம்ப என்றாள். ரொம்ப பிடிச்ச பாடல் என்னனு கேட்டேன். "ராஜா ராஜ சோழன் நான் என்னை ஆழும் காதல் தேசம் நீதான்" என்றாள். நான் உடனே நானா ? னு கேட்டேன். ஹலோ எனக்கு பிடிச்ச பாட்டுங்க என்றாள். பிடித்த நடிகர் ? என்றேன். அவள் விஜய் என்றாள். அவள் உடனே உங்களுக்கு என்றாள். நான் "தல"னு சொன்னேன். அவள் அஜித் தா? என்று கேட்டாள். தமிழ்நாட்டுல "தல"னு சொன்னாலே அஜித் சார் மட்டும்தான்'னு சொன்னேன். "மம்கும்" என்று முறைத்துக்கொண்டாள் அவள். இளையராஜாவுல பிக்கப் ஆனது, இளையதளபதினாலே ப்ரேக்-அப் ஆகிருமோனு யோசித்துக்கொண்டேன் நான்.

காதல் தொடரும்...!

                                                 பகுதி -4

பின் மறுநாள் கழித்து அந்த அழகியின் புகைப்படம் ரெடியாகிவிட்டது... அழைத்தேன் அவள் எண்களுக்கு.. போட்டோ ரெடியாகிருச்சு. அன்னைக்கு மாதிரியே காபி ஷாப்-க்கு வந்து வாங்கிக்கோங்கனு சொன்னேன். சரி ஓகேனு சொல்லிட்டா. பின் காபி ஷாப்பில் காத்திருந்தேன். பாவி மக பல மணிநேரம் கழிச்சு வர்றா. வந்த உடன் வழக்கம்போல் மந்திரப்புன்னகையை தூவிவிட்டு அமர்ந்தாள். அவள் கண்களை நேருக்கு நேர் பார்த்தால், எந்த ஆம்பளைக்கும் பேச்சு வருவது சிரமம். அடிக்கடி புருவ ஓரத்தில் ஒதுங்கும் ஓரிரு முடிகளும், அதை நேராக கோதிவிடும் அந்த வளையல் கைகளும் அடடா... சொக்கித்தான் போவான் படைத்த பிரம்மனும்...! இதையெல்லாம் ரசித்துக்கொண்டிருக்கும்போதே பாதியில் ஆரம்பித்தால், போட்டோவை பார்த்துவிட்டு, சிரித்துவிட்டு, இது நான்தானா ? ரொம்ப அழகா டிசைன் பண்ணிருக்கீங்கனு பாராட்டிவிட்டாள்.... "இந்த பேக்கிரவுண்ட் டிசைன் செம" என்றாள். பாவம் அவளுக்கு எப்படி தெரியும் அந்த புகைப்படத்தில் அவள் இருப்பாதாலேதான், டிசைன் அவ்வளவு அழகாகத்தெரிகிறதென...! "உங்களை ரொம்ப பிடிச்சிருக்கு" என்றாள். உடனே நான், இந்த போட்டோ பிடிச்சதனாலா சொல்றீங்களா? என்றேன். ச்சே அதுக்காக இல்லை. நீங்க ரொம்ப அழகா பேசுறீங்க அதான்னு வழிந்தாள்.


நான் அதிகமாக ஏதும் பேசவில்லை என்பது எனக்கும், படித்துக்கொண்டிருக்கும் உங்களுக்கும் மட்டும்தான் தெரியும். இப்படி இருக்கையில், என்னுடைய பேச்சு பிடித்திருக்கிறதென பிதப்புகிறாள் கள்ளி. சரி, நாமும் காதலை கற்பனையாக வளர்க்ககூடாது என என் மனதிற்கு கட்டுப்பாடு விதித்துக்கொண்டேன்.
பின், டைம் ஆச்சு. நான் கிளம்பட்டுமா? என்றாள். வந்தது எனக்குள் கோபம் அவள் கைக்கடிகாரத்தின் மீது. அவள் என்னுடன் செலவிட்டது மூன்று மணி நேரம் என்றாலும், மூன்றே நிமிடங்கள் போலத்தோன்றியது. "உங்க வாட்ச் ஃபாஸ்ட்டா ஓடுதுனு நினைக்கிறேன். நல்லா வாட்ச்ச பாருங்க" என்று வழிந்தேவிட்டேன் அவள் செல்லப்போகிறாள் என்ற அவசரத்தில். அவளோ நான் வழிகிறேன் என்பதறிந்து மெளனமாய் சிரித்துக்கொண்டு,
செல்பேசியில் டைம் பார்த்துவிட்டு டைம் சரிதாங்க. ஆமாங்க எனக்குதான் டைம் சரியில்ல போல என மனதில் நினைத்துக்கொண்டே, மெல்ல தலையசைத்து சரிங்க கிளம்புங்க என்றேன். அவள் கொண்டுவந்திருந்த ஹேண்ட்பேக்கை கையில் எடுத்துக்கொண்டு, திரும்பி நடக்க ஆரம்பித்தால். நானோ பின்னால் நின்றிருந்தது, அவள் நடையசைவில் பின்னழகை மேடையாகக்கொண்டு, மல்லிகைப்பூ பூத்த ஜடை நடனமாடுவதை, அவள் நிழல் மறையும் வரையில் ரசித்துக்கொண்டிருந்தேன்.

காதல் தொடரும்...!

                                             பகுதி - 5

அதன் பின் சந்திக்காமலே, மொபைல் சாட் மட்டும் என நீண்டது நாட்கள். பல விஷயங்களை பகிர்ந்து கொண்டோம். ஒருவரை ஒருவர் புரிந்தும் கொண்டோம். பின் நானும் சந்திக்க ஆசையிருந்தும் சந்திக்கக்கேட்டு அழைக்கவில்லை.
பின் ஒரு நாள் அவளே அழைத்தாள் சந்திப்போமா எனக்கேட்டு. நானும் ம்ம்ம்ம்ம்ம்ம்ம் என்றேன். இந்தமுறை சற்று வித்தியாசமாக காபி ஷாப்க்கு பதில் கடற்கரை. லொகேஷன் செலக்ஷன் அவள்தான்.. வெகுநேரம் மெளனம், கொஞ்சம் வெட்கம், கொஞ்சம் புன்னகை என அவளது முகத்தில் ஏதோ இனம்புரியாத சந்தோஷம் வட்டமிட்டுக்கொண்டிருந்தது. என்ன இன்னிக்கி ரொம்ப ஹேப்பியா இருக்கீங்க போல.. என்றேன். அவள் அப்படி ஒன்னும் இல்லையே எப்போதும் போலதான் இருக்கேன் என்றாள். நான் ம்ம் என்றேன்.


கடல் அலைகளை ரசித்துக்கொண்டிருந்தாள். பின் நீங்கதான் நல்லா கவிதை எழுதுவீங்களே... கடலை பத்தி ஒரு கவிதை சொல்லுங்களேன் என்றாள். நான் உடனே, கவிதை எழுதுவேங்க, பட் இப்படி திடீர்னு கேட்டா சொல்லத்தெரியாதுங்கோ என்றேன். அவள் சிறு புன்னகையுடன் பரவாயில்லை சொல்லுங்க ப்ளீஸ் என்றாள். நான் சற்றும் யோசிக்காமல் வாயில் வந்ததை உளறினேன். "பூமித்தேவதை அடிக்கடி போர்த்திக்கொள்ளும் நீலவண்ணப்போர்வை...! என்றேன். அடிக்கடி போர்த்திக்கொள்ளுமா ? என்றாள் குழப்பத்துடன். "அடிக்கடி கரைதொடும் அலைகளை" சொன்னேன் என்றேன் நான். வாவ் செம..! என்று கூறி கை பிடித்து குலுக்கத்தொடங்கிவிட்டாள். எலுமிச்சை நிறக்கைகள் கொண்டு, மாநிறக்கைகளை மிச்சம் வைக்காமல் குலுக்கிவிட்டாள். நானும் சேர்ந்து குலுங்கிவிட்டேன்...! சந்திப்பு முடிந்தது. அன்று இரவு 7.10 மணிக்கு, மூன்று குறுஞ்செய்திகள் வந்திருந்தது. வேலை நிமித்தமாக நானும் கவனிக்கவில்லை. 7.15 க்கு அவளது அழைப்பு, என்னை பிடிக்கலயானு கேட்டாள். நானோ என்ன திடீர்னு கால் பண்ணி புடிக்கலையானு கேட்குறா? என்ற குழப்பத்தோடு ம்ம்ம் புடிச்சிருக்கு என்றேன். அப்போ ஏன் ரிப்ளை பண்ணல? என்றாள். நானோ, எதுக்குங்க ரிப்ளை பண்ணல என்றேன். நான் "ஐ லவ் யூ" னு மெஸேஜ் பண்ணிருந்தேன் நீங்க ரிப்ளை பண்ணவேயில்ல என்றாள். ஐ லவ் யூ வா ........!!?? உடனே போனை கட் பண்ணிட்டு வேகமாக மெஸேஜ ஓபன் பண்ணேன். I Love U Karthik னு மூணு மெஸேஜ் வரிசையாக வந்திருந்தது. திகைத்தே போனேன். வேகவேகமாக அழைத்தேன் அவள் அலைபேசிக்கு... கோபத்தில் அட்டெண்ட் செய்ய மறுத்துவிட்டாள். ஐந்து நிமிடம் கழித்து அவளே அழைத்தாள். மறுமனையில் ஆண்குரல். டேய் இன்னும் என்னடா பண்றே கிளம்பி ஸ்டுடியோ வாடா... ஃபன்சன் இருக்கு. பிறகுதான் தெரிந்தது கண்டது கனவு என்று... நேரமோ காலை 8 மணி.

காதல் தொடரும்...!

                                         பகுதி - 6

பின் அவளின் நினைவுகளிலும் கனவுகளிலும் நாட்கள் நகர்ந்தது. திடீரென ஒரு நாள் இரவு அலைபேசியில் அழைத்தாள். வழக்கம்போல கனவு அல்ல நிஜம் தான் என கையில் கிள்ளிகொண்டு உறுதிப்படுத்தினேன். ஹலோ, பிரசாந்த். டுமாறோ மீட் பண்ணலாமா என்றாள். சரிங்க டைம் சொல்லுங்க என்றேன். Evening 4'o clk at Ramanathaswamy Temple னு சொன்னாள். கோவிலுக்கா? ஏன் கோவிலுக்கு கூப்டுறானு தெரில. சரி போவோம்னு கிளம்பினேன். கோவிலில் சந்தித்துக்கொண்டோம். மணம் மாறாத அதே புன்னகை. நீலமும் வெள்ளையும் கலந்த வானம் போன்ற சுடிதார். வானத்திலிருந்து வந்திருப்பாளோ என்னவோ...! பேச ஆரம்பித்தாள். கடவுள் நம்பிக்கை இருக்கானு கேட்டாள். கடவுள் இருக்காறா இல்லையானு தெரியாதுங்க. பட், நம்மளயும் மீறி ஏதோ ஒரு சக்தி இருக்கு. அதை நான் நம்புறேன். அது இயற்கையாக கூட இருக்கலாம் னு சொன்னேன். அவள், இதுக்குத்தான் கவிதை எழுதுறவங்க கிட்ட அதிகம் கேள்வி கேட்கக்கூடாது போல, இயற்கை அது இதுனு அடிச்சு விடுறீங்களே என்றாள். ஹலோ, என்னோட ஒபினியன் நான் சொன்னேன் அவ்ளோதான் என்றேன் கோபமாக. அவள் முகத்தை பார்த்து கோபப்படுவது என்பது நான் சிரமப்படும் சில விஷயங்களில் ஒன்று. முகத்தை பார்க்காமல் தான் கோபப்படமுடிந்தது. ஒருவேளை இருவருக்கும் திருமணமானால் பாவம்தானே நான்...! அவள் உடனே சரி சரி கூல்டவுன் கோபம் வேண்டாமே என்றாள். ஒருவழியாக சாமி கும்பிட்டாச்சு, திருநீர் வச்சாச்சு.


உங்களுக்கு எந்த மாதிரி ஒய்ஃப் வரணும்னு ஆசைப்படுறீங்க எனக்கேட்டாள். பெரிசாலாம் ஆசைப்படலங்க. சர்வம் படத்தில ஆர்யா, த்ரிஷாவை பார்க்கும்போதெல்லாம் மனசுக்குள்ள இளையராஜா மியூசிக் வாசிப்பாறே?? அது மாதிரி ஃபீல் ஆகணும் என் பொண்டாட்டிய பாக்கும்போது... என்றேன். அவள் ம்ம்ம்ம்ம் சூப்பர். சிரிச்சிக்கிட்டே நீங்க ரொம்ப சினிமா பைத்தியமா இருப்பீங்களோ..? என்றாள். ஹலோ, ஜஸ்ட் அது ஒரு ஃபீல் அவ்ளோதாங்க என்றேன் நான். ம்மம் ஓகே அப்படி பொண்ண இன்னும் பாக்கலயோ? எனக்கேட்டாள். நானோ, ஆல்ரெடி பாத்தாச்சுங்க என்றேன். அவள் முகத்தில் சிறு பதற்றத்துடன் யாரைப்பாத்தீங்க.. அப்போ ஆல்ரெடி லவ் பண்றீங்களா? ஏன் எங்கிட்ட சொல்லலணு அடுக்கடுக்காக கேள்விகளை அடுக்கிவைத்தாள். நான் வெயிட் வெயிட், பாத்தேன்னு தானேங்க சொன்னேன் அவங்ககிட்ட என்னோட லவ்வ சொல்லி, லவ் பண்றேன்னு சொல்லலேயே.. என்றேன். உடனே அவள் ஏன் சொல்லல அதையும் சொல்ல வேண்டியதானே என்றாள் கோபத்துடன். அவங்க தப்பா நினச்சுட்டாங்கனா நான் என்னங்க பண்றது, நல்ல ஃப்ரண்ஷிப் போயிடுமே என்றேன். ஓ ப்ரண்ஷிப் புடுச்சுட்டீங்களா? என்றாள். ம்ம்ம்ம்ம் என்றேன் நான். அப்போ யாருனு சொல்லுங்க நான் பேசுறேன் என்றாள். நானோ, கூப்பிட்ட குரலுக்கு உடனே வராத தைரியத்தை, வா என வரவழைத்துக்கொண்டு, "ஓகே அப்போ உங்க வீட்டுக்கண்ணாடி முன்னாடி போய் நின்னு எனக்காக அவங்ககிட்ட பேசிப்பாருங்க ப்ளீஸ்" என்றேன். கண்ணாடி முன்னாடியானு யோசித்துவிட்டு, பிறகு யார சொல்றீங்கனு கேட்டாள்.  "ஏய் மண்டுப்பெண்ணே... உன் வீட்டுக்கண்ணாடி முன்னாடி போய் நில்...! அக்கண்ணாடிக்கு என் காதலியின் முகம் பரீட்சயம்" என்று கவிதை வடிவிலேயே என் காதலை மறைமுகமாக கூறிவிட்டேன். அதிர்ந்துவிட்டாள் அந்த அழகி...!

காதல் தொடரும்...!

                               பகுதி -7

 பின் அவள் ஏதும் பேசாமல் சென்றுவிட்டாள். நான் அவள் விருப்பமறிய முடியாமல் அங்கேயே நின்றுவிட்டேன். பின், சிறிது நேரம் கழித்து அவளிடமிருந்து அலைபேசி அழைப்பு... ஹலோ, என்னை தான் லவ் பண்றீங்களா? னு கேட்டாள். நான், ஏன் உங்கவீட்டுல கண்ணாடி  இல்லையானு காமெடியாகக் கேட்டேன். அவள், ம்ம்ம் இருக்கு. அதுல என்னோட முகம்தானே காட்டுது. அப்போ என்னைதானே லவ் பண்றீங்கனு கேட்டாள். நானோ ம்ம்ம் அதில் என்ன சந்தேகம்? எனக்கேட்டேன். அவள் எனக்கு காதலில் நம்பிக்கையில்லை என்றாள். அப்போ என்னை பிடிக்கலையானு கேட்டேன். அவள், நான் அப்படி சொல்லலயே காதல் பிடிக்காதுனு தானே சொன்னேன் என்றாள். அப்போ கல்யாணத்தில்? என்றேன் நான். ம்ம்ம் என்றாள். அப்போ வாங்க கல்யாணம் பண்ணிக்குவோம் என்றேன். என்ன விளையாடுறீங்களா? எங்க அப்பா அம்மா சம்மதத்தோடதான் நான் கல்யாணம் பண்ணிப்பேன் என்றாள். சரி உங்க அப்பா அம்மா கிட்ட வந்து பேசட்டுமா என்றேன். வேண்டாம் எனக்கு பயமா இருக்கு என்றாள். அப்போ என்னை பிடிக்கலை அப்படித்தானே என்றேன். அய்யோ உங்கள ரொம்ப பிடிக்கும். பட், பயமா இருக்கே என்றாள். ஆம், அவள் பயப்படுவதற்கு காரணம் நான் வேறு ஜாதி, அவள் வேறு ஜாதி என்பதாலே திருமணத்திற்கு சம்மதிக்கமாட்டார்கள் புரிந்துகொண்டேன். இருந்தும் அவளை விட்டு விலக மனமில்லை. எத்தனை நாள் இந்த தேவதையை தேடி அலைந்திருப்பேன் நான்...! உடனே நான், பயப்படாதீங்க நான் பேசிக்கிறேன்னு சொல்லிட்டு போனை வச்சுட்டேன். அடுத்த நாளே அவள் வீட்டுவாசப்படியில் நின்றேன். வழக்கம்போல் "வராத தைரியத்தை" வரவழைத்துக்கொண்டு, அழைப்பு மணியை அழுத்தினேன். அவளுடைய அப்பாவே கதவைத்திறந்தார். எங்கள் திருமணக்கதவையும் அவர்தான் திறக்கவேண்டும். என்னை நேருக்கு நேர் முகம் பார்த்து, வாங்க தம்பி, யார் நீங்க என்ன வேணும்னு கேட்டார். நான், உங்க பொண்ணுதான் வேணும் தருவீங்களா மாமானு மனதிற்குள் கேட்டுக்கொண்டு, என்னோட பெயர் கார்த்திக். நான் இங்க இராமேஸ்வரத்தில் சொந்தமா போட்டோ ஸ்டுடியோ வச்சுருக்கேன் என்றேன். சரி தம்பி நல்லது என்றார். நான் உடனே, உங்க பொண்ணு பிரியாவ ஒரு ஃபன்சன் ல பாத்தேன். ரொம்ப பிடிச்சிருந்தது. மேரேஜ் பண்ணிக்க ஆசைப்படுறேன். நீங்க சம்மதம் சொன்னா, அப்பா அம்மாவை வந்து பேச சொல்றேன் என்று ஏதோ ஒரு அசட்டு தைரியத்தில் பட படவென உளறிவிட்டேன். பின் அவர் ஆரம்பித்தார், தம்பி உங்க பேரு என்ன சொன்னீங்கனு கேட்டார். கார்த்திக் என்றேன். கார்த்திக் தம்பி உங்க மாத வருமானம் எவ்வளவுனு கேட்டார். நான் தோராயமாக, ஒரு 15,000 ரூபாய் வரும் என்றேன். உங்கள மாதிரி மிடில் கிளாஸ் ஃபேமிலிதான் சார் என்றேன். உடனே அவள் அம்மா குறுக்கிட்டு, தம்பி நீங்க என்ன ஆளுங்க என்றார். அதானே என்னடா இன்னும் யாரும் கேட்கலயேனு நினைச்சேன். நான் வேற ஜாதி தான். பட், உங்க பொண்ண நல்லா வச்சு பாத்துக்க ஜாதி தான் முக்கியமா? என்று ஏதோ வேகத்தில் பேசிவிட்டேன். உங்க பொண்ண உங்கள விட பத்துமடங்கு நல்லா பாத்துப்பேன் ப்ளீஸ் என்னை நம்புங்க என்றேன். அவள் அப்பா திடீரென, இந்த காலத்தில ஜாதி அது இதுனு சும்மா இருடி என்றார். அப்பாடா நிம்மதி பெருமூச்சு விட்டுக்கொண்டேன்.


ரெண்டு பேரும் லவ் பண்றீங்களானு கேட்டார். இன்னும் இல்லை, கல்யாணத்துக்கு பிறகு காதலிக்க ஆசைப்படுகிறேன் என்றேன். ம்ம்ம் ஏதோ மனதில் யோசித்துக்கொண்டார். உடனே, இங்கே என்ன நடக்கிறது, நடந்தது என்பதை அறியாமல் ரூமில் நகத்தை கடித்துக்கொண்டிருந்த என் தேவதையை அழைத்தார். அம்மா பிரியா.....இங்க வாமா. வந்தாள் என் தேவதை, வழக்கம்போல் புன்னகை பூத்திருக்கவில்லை மாறாக பயம் கலந்த பதட்டத்தில் இருந்தாள். உடனே அவர், தம்பி கார்த்திக்க உனக்கு பிடிச்சுருக்காமான்னு கேட்டார். அவள் ம்ம்ம் நல்ல ஃப்ரெண்டுப்பா. அதோடு நிறுத்திக்கொண்டாள். நான் அதை கேட்கலம்மா உன்னை கல்யாணம் பண்ணிக்க கேட்குறாரும்மா என்றார். உங்களுக்கு சம்மதம்னா எனக்கும் சம்மதம் தான் அப்பா என்றாள் புத்திசாலிதனமாக. ம்ம்ம் சரிம்மா என்றார். உடனே என்னிடம் ம்ம்ம் சரி தம்பி யோசிச்சு சொல்றேன் உங்க அப்பா அம்மாவ வர சொல்லுங்க என்றார். ஆனால் அவர் ஒரு வார்த்தைக்காக்கூட என்னை மாப்பிளைன்னு சொல்லவில்லை.
காதல் தொடரும்...!
                                 
                                     பகுதி - 8

பின் இரண்டுநாட்கள் கழித்து அவரே அலைபேசியில் அழைத்தார். தம்பி எனக்கு சம்மதம் தான். ஆனால், என் பொண்டாட்டி தான் கொஞ்சம் முரண்டுபுடிக்கிறா. அதை நான் பாத்துக்குறேன் தம்பி. நீங்க தப்பா நினைச்சுக்காதீங்க. அப்புறம், பிரியா குட்டி என் செல்லப்பொண்ணு தம்பி. அவள அழ வைக்காம பாத்துக்கோங்க தம்பி. கொஞ்சம் முன்கோபம் ஜாஸ்தி. ஆனா நீங்க அன்பா எடுத்து சொன்னா புரிஞ்சுப்பா. கொஞ்சம் அனுசரிச்சு போங்க தம்பி என்றார். உங்க பொண்ண பத்தி உங்களுக்கு தெரிஞ்சதவிட, எனக்கு என் பொண்டாட்டிய பத்தி ஒருபடி அதிகமாவே தெரியும் மாமா என்றேன். சிரித்துக்கொண்டே ம்ம் சரி தம்பி, உங்க அப்பா அம்மாவ வந்து பொண்ணு கேட்க சொல்லுங்க தம்பி என்று போனை கட் செய்தார். அப்பொழுது கூட, "மாப்பிளை" என்று அழைக்க மறுத்துவிட்டார். ஒருவேளை கல்யாணம் நடந்து முடிந்த பிறகுதான் மாப்பிளைனு கூப்டுவாறோ என குழம்பிக்கொண்டேன். காலம் தாழ்த்தாமல் மறுநாளே அப்பா அம்மாவுடன் சென்று அந்த தேவதையை பெண் கேட்டு, பேசிமுடித்தாயிற்று. இரண்டு மாதங்கள் கழித்து கல்யாணம். ஏதோ ஓர் நிச்சயதார்த்தத்தில் ஆரம்பித்த என் காதல், இன்று திருமணமாக நிச்சயமாயிற்று. அவள் அம்மாவோ அரைமனதாக ஒப்புக்கொண்டாள். பின் என்ன பிரச்சினை எல்லாம் சுலபமாக முடிந்துவிட்டதே... இனி கல்யாணம் தானே...! இருவரும் காதலிக்க ஆரம்பிக்காமலே இவ்வளவு எளிதாக காதலில் ஜெயிக்கமுடியுமா எங்களுக்குள் வியந்துகொண்டோம். திருமணத்திற்கு தான் இன்னும் இரண்டு மாதங்கள் இருக்கிறதே. இந்த இரண்டு மாத நாட்களையாவது என் தேவதையை, "காதலி"யாக்கி கழித்துவிட எண்ணினேன். ஆரம்பித்தது எங்கள் காதல் பயணம். அவளுடைய பிறந்தநாளும் வர இருப்பதால் அவள் பிறந்தநாளன்றே காதல் பயணத்தை ஆரம்பிக்கலாமே என எனக்குள் தோன்றியது. இருவரும் ஒன்றாக, முதன் முதலாகச்
சென்றது, சங்கம் வைத்து தமிழ் வளர்த்த மதுரை மண்ணிற்கு தான். நாங்கள் செல்வது தமிழை வளர்க்க அல்ல ஹா ஹா ஹா ஹா.... எங்கள் காதலை வளர்க்க...! முதன்முதலாக ஒரு பெண்ணின் அருகில் மிக நெருக்கமாக அமர்ந்திருக்கிறேன். அடிக்கடி கூச்சம் எட்டிப்பார்த்துக்கொண்டே இருக்கிறது. பேருந்து பயணம் என்றாலே முக்கால்வாசி பேருந்துகளை இளையராஜாவின் இசையே ஆக்கிரமித்திக்கொண்டிருக்கும் என்பது அனைவரும் அறிந்ததே. இருவருக்கும் பிடித்த பாடல்கள் ஒன்றன்பின் ஒன்றாக ஒலித்துக்கொண்டிருக்க, எனக்குள் ஒழித்துக்கொண்டிருந்தது ஒரு ரகசியம். மதுரையில் எங்கே? என்ன? பார்க்க கூட்டிச்செல்கிறேன் என்பது அவளுக்கு தெரியாது. 


செல்லமாக நச்சரித்துக்கொண்டே இருந்தாள் அந்த "நச்" உதடுகளில். மதுரையில் இறங்கியதும் சொல்கிறேன் என்றுகூறி அவள் நச்சரிப்புக்கு தடைபோட்டேன். ஏதோதோ பேசிக்கொண்டே வருகிறாள். அவள் பேசும்பொழுது, உதடுகள் உரசும் அழகைத்தான் கவனித்தேனே தவிர, என்ன பேசிக்கொண்டிருக்கிறாள் என்பதை தவறவிட்டேன். அடிக்கடி என் முகம்பார்த்து தான் பேசுகிறாள். பதிலுக்கு நானும் அவள் முகம் பார்ப்பது எளிது. ஆனால் அந்த பட்டாம்பூச்சி கண்களை எதிர்கொள்வதுதான் ரொம்ப கடிது. அவளுக்கு தலைமுடி கொஞ்சம் நீளம் என்பதால் நிமிடத்திற்கு நிமிடம் பேருந்தின் ஜன்னலோர காற்று, அவள் தலைமுடிகளை என்மேல் தூற்றுகிறது. அடடா அடிக்கடி என் முகத்தில் பட்டு, கூச்சம் தரும் அந்த கூந்தலை பிரம்மன் எதைக்கொண்டு செய்தானோ தெரியவில்லை. ஜன்னல் வெளியில் இயற்கை காட்சிகளை ரசித்தபடியிருந்தவள் திடீரென என் கைகளை பற்றி, என் தோல்மேல் தொற்றி சாய்ந்து கொண்டாள். சற்றும் எதிர்பார்க்கவில்லை நான் ஏதோ ஒரு பலம் உள்ளுக்குள் உருவாகி, என் ஆண்மையை அறியச்செய்கிறது. மென்மேலும் காதலைப்புரியச்செய்கிறது. "எனக்கு இனிமேல் எல்லாமே நீதானடா" என்பதை உணரச்செய்துவிட்டாள், தோல்மேல் சாயந்துகொண்ட அந்த சில அற்புத நொடிகளில்...! அந்த தருணம், பேருந்தில் அலைகள் ஓய்வதில்லை படத்திலிருந்து "காதல் ஓவியம்... பேசும் காவியம்" பாடல் ஒலித்துக்கொண்டிருந்தது. பாடல் வரிகள் எங்களுக்காகவே எழுதி, இசையமைத்தது போல் ஓர் உணர்வு ஊர்ந்துகொண்டிருந்தது. நான் அவளுடன் இருந்த பொழுதுகளில் மட்டும்தான் என் வாழ்க்கை பக்கங்கள் முழுதும் கவிதைகளாக மாறியிருந்தது யதார்த்தங்கள் மீறாமல்...!
காதல் தொடரும்..!
       
                                   பகுதி - 9

ஒருவழியாக மதுரை மண்ணை முத்தமிட்டது எங்கள் பாதங்கள். முதலில் மீனாட்சி அம்மன் கோவிலுக்குச்சென்றோம். மீனாட்சி அம்மன் தரிசனம், ஆயிரம் கால் மண்டபம் என கோவில் முழுதும் சுற்றித்திரிந்து, அங்கே தாமரைக்குளத்தின் அருகே அரைமணி நேரம் அவளுடன் பொழுதை கழித்தேன். கழித்தேன் என்று சொல்வதை விட, சொர்க்க நிமிடங்களையெல்லாம் சொற்பமாகக் கடந்தேன் என்றுதான் சொல்லவேண்டும். அடுத்ததாக திருமலை நாயக்கர் மஹால் சென்றோம். அங்கும் சில நிமிட நேரங்கள் கடந்து, மதிய உணவு உண்பதற்காக ஒரு ஹோட்டல் சென்றோம். அங்கே சிறிது தூரத்தில் எதேச்சையாக தென்பட்டது "ஹோட்டல் பிரியா-சைவம்" பெயர் பலகை. (அவள் சுத்த சைவம். நானோ அசைவ விரும்பி. அவளை விரும்பியதால் சைவத்தையும் விரும்ப வேண்டியதாயிற்று). நான், ஹேய் பிரியா இது உன்னோட ஹோட்டல் தானே? அப்போ சாப்பாடு ஃப்ரீயா பிரியா? என நக்கலடித்தேன். ஹேய் கலாய்க்கிறியா எனச் செல்லமாக கையைக்கிள்ளினாள். பில் பே பண்ணலனு வச்சுக்கோ எனக்கும் சேர்த்து நீதான்டா மாவாட்டணும் பாத்துக்கோ என்றாள் சிரிப்புடன். அடிப்பாவி, கல்யாணத்துக்கு முன்னாலயே புருஷனை மாவாட்ட வக்கணும்னு ஆசைப்படுறியாடி என்றேன். அவள், யெஸ். இட் இஸ் ஜஸ்ட் ட்ரெயினிங் டா என் செல்ல புருஷா என்றாள். நானோ மாவாட்டுறதுக்கு மட்டும்தான் ட்ரெயினிங்கா? அப்போ மத்ததுக்கெல்லாம்...????? கண்ணடித்தேன். என் பார்வையின் அர்த்தத்தைப் புரிந்து கொண்டவளாய், அய்யோடா ரொம்ப வழியுது கொஞ்சம் தொடைச்சுக்கோடா புருஷா என்று கொஞ்சி, கொஞ்சமாக சிரித்தாள். உடனே, வா ஃபஸ்ட் சாப்பிடலாம் ரொம்ப பசிக்குதுடா... என்று சமாளித்து என் கையைப்பிடித்துக்கொண்டு சாப்பிடுவதற்காக ஹோட்டலுக்குள் இழுத்தாள். வெயிட்டர் எங்களை நீண்ட நேரம் வெயிட் பண்ண வைத்துவிட்டார். ஆம் ஹோட்டலில் கூட்டம் கொஞ்சம் அதிகம்.. நீண்ட நிமிடங்களுக்குப் பிறகு அருகில் வந்து, என்ன சாப்டுறீங்க எனக் கேட்டார். நான், இப்போதான் புரியுது உங்களுக்கு ஏன் "வெயிட்"டர்-னு பெயர் வச்சாங்கன்னு. இவ்வளவு நேரம் வெயிட் பண்ண வச்சுட்டீங்களே ப்ரோ என்றேன் நக்கலாக. சற்றும் எதிர்பாராமல் சடாலென அவளின் சிரிப்பு சத்தம் அனைவரையும் திரும்பி பார்க்க வைத்துவிட்டது. சாரி சார் கொஞ்சம் கூட்டம் அதிகமாயிடுச்சு அதான் என்றார் வெயிட்-டர். பரவாயில்லை ப்ரோ இரண்டு புல் மீல்ஸ் கொண்டுவாங்கன்னு ஆர்டர் செய்தேன். உடனே, ஏன்டி இந்த மொக்க காமெடிக்கு இவ்ளோ சத்தமா சிரிக்கிறே என்றேன் அவளிடம். அது என்னமோ தெரிலடா நீ காமெடி பண்ணா மட்டும் என்னால சிரிப்பு அடக்கவேமுடியல என்றாள். என்னைப் பாத்தா காமெடி பீஸ் மாதிரி தெரியுதா என்றேன் முறைப்புடன். ம்ஹீம் மாதிரியெல்லாம் இல்ல நீ காமெடி பீஸே தான் என்று கலாய்க்க ஆரம்பித்துவிட்டாள் கள்ளி.


 நான் நினைத்துக்கூட பார்த்திராத காதல் தருணங்களெல்லாம் என் கண் முன்னே நிகழ்ந்துகொண்டிருக்கிறது. திடீரென வந்தது எனக்கு விக்கல். (அவள் ஏதேனும் என்னைப்பற்றி நினைத்திருக்கக்கூடும்) நானே என் தலையில் தட்டிக்கொள்ள முயன்றேன் ஆனால் என் கைக்கு முன்னே முந்திவிட்டது அவளது கை. தலையில் தட்டிக்கொடுத்து, விக்கல் எடுத்த என் வாய்க்கு அவளே தண்ணீரும் கொடுத்தாள். சட்டென தோன்றி மறைந்தது என் அன்னையின் ஞாபகம்..!
காதல் தொடரும்..!

                                      பகுதி- 10

முதல் பயணம் முழுமையடையாமலே முற்றுப்பெற்றது அவளிடமிருந்து ஒரு முத்தம் கூட பெறாமல்..! பின் சந்திக்க நேரங்கள் கிடைக்கவில்லை. அவளுக்கும் வேலை எனக்கும் வேலைப்பளு அதிகரித்துவிட்டது எங்கள் காதலின் பளு கூட...! எனவே இரவு வேளைகளில் செல்லப் பேசியில் குறுஞ்செய்திகளில்(SMS) பெருஞ்செய்திகளாக பரிமாறிக்கொண்டோம் எங்கள் காதலை... இப்படியே எல்லாம் நன்றாகவே நடந்து, நகர்ந்து கொண்டிருக்குமா??? அது வாழ்க்கையாகிவிடுமா...? சாதாரண படங்களில் கூட எதிர்பாராத திருப்பங்களைச் சுமத்தினால்தான் ரசிகர்களின் விருப்பங்கள் அதிகரிக்கிறது. வாழ்க்கையில் அனைவருக்கும் எல்லாமும் நல்லபடியாக சென்றுகொண்டிருப்பதில்லையே. ஆம். எல்லாம் நல்ல படியாக நடந்தும், எல்லோரின் காதலைப்போலவும் என் காதல் வாழ்க்கையிலும் சறுக்கல்களைக் காணநேர்ந்தது. அது என் காதல் பக்கங்களை கிறுக்கல்களாகவும், என்னை கிறுக்கனாகவும் மாற்றிவிட்டது. காதல் என்றாலே துன்பத்தைப்பெற்றுதான் இன்பத்தைப்பெற முடியும் என்பது "காதல்விதி"யோ என்னவோ...! எங்கள் இரு உறவுக்குள் நுழைந்தது ஒரு புது உறவின் வரவு. அவள் பெயர் நிஷா. என் நண்பனின் தோழி. என் நண்பன் மூலமாகவே அவள் எனக்கு அறிமுகமானாள். அறிமுகமான சில நாட்களிலே மிக நெருக்கமாக பழகத்தொடங்கிவிட்டாள். நான் ஒன்றும் பெரிய மன்மதன் இல்லை. ஆனால், அன்பினால் மற்றவர்களை மயக்கும் மனம் எனக்கு உண்டு. நிஷாவின் அன்பில் துளியும் காதலுமில்லை, காமமுமில்லை. நல்ல தோழியாகவே உறவைத்தொடர்ந்தால், உரிமை கொண்டாடினாள். மற்ற பெண்களுடன் தோழியாகப்பழகினால் கூட எந்த காதலிக்குத்தான் பிடிக்கும். பிரியாவோ முன்கோபக்காரி. முறைத்துக்கொண்டாள். எல்லா பெண்களுக்கும் இருக்கிற "பொஸஸிவ்னஸ்" குணம் தானே இது என நினைத்துக்கொண்டேன் நான். ஆனால் பிரியாவோ, நிஷாவை தன் பெரிய எதிரியாக பகைத்துக்கொண்டாள். என்னிடம் முன்புபோல் சந்தோஷமாகப்பேசுவதையே குறைத்துக்கொண்டாள்.
எப்போதும் கோபம், மெஸேஜ் செய்தால் உடனே பதில் அனுப்புவதில்லை. (ஓ இதனால் தான் அந்த சறுக்கலா??? என நினைத்துக்கொள்ள வேண்டாம் வாசகர்களே) பின், நேரடியாக பிரியாவைச் சந்தித்துப் பேசினால்தான் தீர்வு காணமுடியும் என தீர்மானித்தேன். சந்தித்தோம். எப்போதும் என் முகத்தைப்பார்த்தே பேசுபவள் இன்று வேறுபக்கம் முகத்தைத் திருப்பிக்கொண்டு மெளனம் காட்டுகிறாள். நான் பேச ஆரம்பித்தேன். நிஷாவை ஏன் விரோதியாகப் பார்க்கிறாய்..? அவள் எனக்கு நல்ல தோழி. மற்றபடி எங்களுக்குள் எந்த அந்தரங்கமான உறவுகளும் இல்லையென புரியவைக்க முயற்சித்தேன். என் கண்ணத்தில் அடித்தேவிட்டாள். ஒன்றுமே புரியவில்லை எனக்கு. டேய், என் புருஷனைப் பத்தி எனக்கு தெரியும். இதுக்கு மேல எதுவும் பேசாதே என்றாள். பின்னே ஏன் என்கூட சரியாவே பேசமாட்டேங்குறே என்றேன். நிஷா வந்ததில இருந்து நீ என்னைவிட்டு விலகிப்போற மாதிரி ஃபீல் ஆகுதுடா. என்னால முடியலடா. ப்ளீஸ் அவ கூட இனிமேல் பேசாதே என்றாள். கோபம் மூண்டது எனக்குள். ஏய் உனக்கு என்னாச்சு? இதை நிஷா கேட்டா எவ்ளோ ஃபீல் பண்ணுவா தெரியுமா? லூசு இனிமேல் இப்படி பேசாதே. என்னை பத்தி தெரிஞ்சுகிட்டே ஏன் பயப்படற லூசு என முறைத்துக்கொண்டேன். அவளோ எனக்கு பயம் உன்னை நினைச்சு இல்ல. அவள நினைச்சுதான்னு பிடிவாதம்பிடித்தாள். நானும் என் நட்பை விட்டுக்கொடுக்காமல் பிடிவாதமாய் அங்கிருந்து சென்றுவிட்டேன்.
காதல் தொடரும்...!